الشاعر خالد بن نويفع العتيبي يصف أفعال ((سايف بن رشيد )) من الصعران

الشاعر الكبير خالد بن نويفع السماري العتيبي يصف بغزليه رائعة معشوقته.
نعم أنه يصف معشوقته
ولكن يذكر أفعالنا هنا
وقد أجاد بذكر أفعال( العبد سايف بن صعير وربعه ) عندما يأخذون غنايمهم من أعدائهم وهذه شاهد لأفعال ربعنا في غزواتهم

_____________________

عديت ضلعٍ في ذرى كشب نايف = عديت فيه اسبر مواكــر صقوره
وحولت من روس المراقيب عايف =حيث ان دمع العين فاحت قدوره
وا لح قلبي لح هجــنٍ نحايف =هجنٍ عطوا درب المخافة نحوره
مع ديرة الاجناب منكف و خايف = يبا الحجاز منكفٍ من شـروره
وردن لهم عدٍ بعيـدٍ ندايف =عدٍ على جوه تحاوم طيوره
وليا دليلتهن بالعين شايـف =ركبٍ مع الجره يقدم سّبُوره
شيف الطلب بأوساق ركبٍ خفايف =وتشاوروا والمرتهب ضاع شوره
وهجوا على مثل النعام الولايف= حادي القوايم واركبوهن حروره
يطرد وراهن صيفة العبد سايف = قاسا المهامز يوم عبت عصوره
يلوف هنه من وراهــن لايف = وما قدمهنه من العدود مخبوره
تاطا سماريهن روس الحتايـف = بالقيض والمرزم حراوي ظهوره
عليك ياراع الثـمـان الرهايف = يلي عليك القلب يبست سيوره
يلي عليك من الادامي وصايـف = ليا شاف له ريغه وبرّز صدوره
قلبي كما طي القليب المهايف = ادنات ما جابه وكدر شعـوره
وليا تذكر وصف راع الردايف = كثرت طواعينه وزادت فجوره
واكثر حراه من الركايب نكايف = عن مرقمٍ حطت علينا زهوره
ما نلحق المال المولي حسايف =الله يبور اللي عميله يبــوره

سايف في سطور
سايف بن رشيد بن مبروك بن محمد بن مرزوق بن صعير
من أحد المشاهير لقوة شجاعته و عزمه في الذود عن القبيلة
لاتكاد هناك غزوه للصعران من بني عزيز لم يشارك ذلك الرجل فيها للدفاع عن ابناء القبيلة
كان مقدام وشهم ولين الجانب لربعة شديد الباس على عدوة
وهذه أحد شهادات البعيد له بهذه القصيدة الرائعة
المهندس
محمد بن صالح

[/center]