الشــاعر/ عــويتق الصواني (الله يرحمه).. يثبت

بسم الله الرحمن الرحيم

اعزائي اعضاء منتدي بني عزيز وضيوفه

السلام عليكم

اليكم قصيده من قصائد الشاعر الكبير عويتق بن معوض الصواني

يا حميد دن معجمات المســــــــامير = مصمم الشاصين شغل النصارئ
الله يجيرك من صدوف العثـــــــابير = وعساك من سوء المنايا مجارئ
أبتل عليه وبتله للمناعــــيــــــــــــر = وسلم وخص كبارهم والصغارئ
ملفاك بيت هلال عيد الخطاطيــــــر = ورشــيد لالبســــن عليه الغثارئ
ود الجواب وقرر الهرج تقريـــــــر = وتـفـقـده عن كل عيب وعوارئ
وحنا بعد مقياضنا اللي ورى النيـر = كــــان بتل دربـه على ما توارئ
مضيتلي معهم مقيض ومصافـــــير = وربيع قدمه لين يبس الخضارئ
خوه على قيمة محبه وتقديــــــــــر = والله على ما قيـــل شاهد خيارئ
وفاضوا مع الشعبه بملح ومغاتيــر = وحنا حدانا الدرب عنهم يسارئ
وقفيت والعبرات مني شخاتــيــــــر = والقـــلــب لو أدراه ما ينتدارئ
قلبٍ موسر مع هل الطيب توسيــــر = وأن فارق الطيب يصيبه غيارئ
عسى لهاك الربع نور ومسافيـــــــر = بجـــــاه ربٍ حــــط ليل ونهارئ
العاقلين الكــاملــيـن المناكيـــــــــــر = عـــيــال حــــرٍ ذاخر له حرارئ
ربعاً على أولهم سيوفٍ بواتيـــــــــر = لطــامة العـــدوان ستر العذارئ
وأن حل فالقالات ورد ومصاديــــــر = يوخذلهم عند الصعوبات شارئ
راياً يفك مـشـــــربكات الشـنــاكيــــر = وعــلمٍ يوقع له بصدق وقرارئ
والمعذره لن كان فالقول تقصيـــــــر = وستراٍ عن النقصان واللقتصارئ

وللعلم الاسم الحقيقي حسب السجل المدني هو عتيق بن معوض بن هملان العزيزي المطيري

تصميم الشاعر علي بن عتيق الصواني