اخذناها غصيبه عليكم يالمناعير&& تركي ومستور&&

مستور




سلام الله سلام ومسا النور ومسا الخير.........عدد ما لاح برق المخايل فـي خيالـه
ابن هذال شاعر وطن غصبا على مطير.........مسمينه هل السلطة اصحاب الجلالـه




تركي



هلا يا مرحبا بك عدد ما رفرف الطير.........تهرج يالعصيمي وكـل ٍ فـي مجالـه
اخذناها غصيبة عليكـم يالمناعيـر.............وابن هذال خله يعـود مـع عيالـه




مستور



عطيتك كلمة ٍ وحدة ماغيرهـا غيـر................لكن ابقاك ماكنك والدعـوة سهالـة
انا قلت لك شاعر وطن ومواصل السير.........لحاله دون هذا الوطن واقـف لحالـه




تركي



اخذ مني رددها على حشمة وتقديـر...........وانا اللي عارف ٍ مكسبه من راس ماله
انا ما اقول في شعر ابو هذال تقصير.........ولكن الوطن كلبونـا مـن رجالـه




مستور



وانا ماجاك مني علوم ٍ تهدم البيـر.......وكل ٍ ياولد حيلته من دون حالـه
عطيتك كلمة ٍ كنها در المصاريـر.........وانا حافظ حلالي وهو حافظ حلاله




تركي



انا ما اطلب من اللي يعاندني معاذير.........واعرف الساعي اللي وصلني بالرسالة
جبال الارض من بينها سنجار والنير.........واظنك تعرف الكون ما تجهل جباله




مستور



ليا حان الوعد ما نبا في الوعد تاخيـر.........وانا اكبر سني ما عشت في وقت الجهالة
جبال الارض من ظمنها حضن وشمنصير.......وظلع المهد يا صاحبـي مالـي ومالـه




تركي



ليا حان الوعد تبشر بصف الطوابيـر.......وتجمعنا الاخـوة وتجمعنـا الزمالـة
هذا منجم ذهب ماصدر منه القصادير........جبل ثابت محله ولا يقصـر ظلالـه




مستور



لنكان امطير مثل البحر حنا بوابير.......نشق البحر لو جا من جاله لجاله
انا وش همني بالدعاية والاساطير.......ليا مني عقلت البعير اوثق عقالـه




تركي



تعدون المكاسب وتنسون المخاسير........هذا الرجال ياقوم فاله الله وفالـه
ابن تركي يبرر ولا في الوضع تبرير.......وانا اللي في ضميري طرالي ما طراله




مستور



عليك الهون والدرب طلعات ودحادير......وتركي يا محمد عمامه مـن خوالـه
ولا يا صاحبي مانبا في الوضع تغييـر.......يكفي نورنـا مانبـا نـور ٍ بدالـه



تركي



ترا اللي يستشير الرجال بعقل ويشير......يبا يمشي على الدرب ويميل عقالـه

صح لسان الشاعرين

بيض الله وجهك ياسفير المهد على النقل وحسن الاختيار

المشاركة الأصلية كتبت بواسطة ألف معنى

صح لسان الشاعرين

بيض الله وجهك ياسفير المهد على النقل وحسن الاختيار

هلا اخوي الف معنى

شاكر ومقدر لك مرورك وتواجدك


تقبل تحياتي

سفير المهد مشكور علىالنقل

لشاعر مستور العصيمي والشاعر تركي الميزاني

وأفضل شاعرين لدي واتمنى الاستمرار في المحاورات بينهم

ويعطيك العافية ياسفير المهد

سفير المهد
اشكرك على النقل
المميز