لابارك الله فيك يابعض الاحلام

اتمنى ان تنال اعجابكمـ


أعتب على الواقع وتصريف الايام ....... والا على الاحلام ومزاولتها ؟
حلم السنه ذي غير عن حلمي العام .... احلام مرًتها السنين وطوتها
لابارك الله فيك يابعض الاحلام ......... اكبر خطأ بان العقول حلمتها
ذنب الصحف كله على حبر الاقلام ....واهل اليدين اللي عثت وكتبتها
وش سوت الاحلام في راس صدام ....... اكثر تفاكير العرب دهورتها
الفكر مثل الطير والطير حوًام.......... رد الطيور ان روًحت لشبكتها
ألبس على قدك من المعرفه خام .........ترى عقول الناس في معرفتها
قد قيل قبلي فالحقايق والأعلام.......(لاطالت بشوت الرجال طرحتها ).
والنفس مايلعب بها غير الاوهام ....... تبعد بها بلحيل عن منزلتها
الشر عنها خلف والخير قدام .............زلًت بها الاوهام لين أقنعتها
اتسوقها وتقودها قود بخطام .............حتى على صمً الصفا برًكتها
وش جاب للاصنام عبًاد الاصنام ..... لين اسجدوا بجباههم من تحتها
فالضيق حطوها لهم درع وحزام .......وماتوا وهم ماحصلوا منفعتها
الجاهليه غير عن عصر الاسلام ....... حتى مفاهيم البشر غيرتها
مافيه شي الا له شروط واحكام ....... اتبع شروط المعرفه وانظمتها
والحاجه اللي مالها حد ونظام.........تضيع في نص الطريق بركتها

ذنب الصحف كله على حبر الاقلام......... واهل اليدين اللي عثت وكتبتها
وش سوت الاحلام في راس صدام .......... اكثر تفاكير العرب دهورتــــــها

صح لسانك ياسفير المهد على قمه الابداع ابيات كل بيت احسن من اللي قبله

صح بدنك ابو نور وانت منبع الابداع واشكرك ع اشادتكـ .

صح الله لسانك يالجزل

راقت لي جداً

سجل إعجابي

صدقت ياحمدان يانسل الاكرام 00قول وفعل خيراتكم اسبقتها