كتبت القصيد

كتبت القــصيد اللي من افــكاري مسويه
كتـــبته على الاوراق والنــــفس تـــطربله

انقي بحور الشـــــعر واخـــــتار من غاليه
ويلعب لي الهوجاس في الشعروالعب له

سلامي على الطـــــيب من الناس واحييه
عـــدد ما يـــــحن الرعــــد ثم ينـــــتثر وبله

انا اقدر الطـــــيب ياالاجـــــواد واخــــاويه
واقوي العــــــلاقه معه بلحـــــيل واقربله

اذا من نصــــــيته قال لك مرحـــــــبا لبيه
مايحـسب حساب اللاش والعالم الخبله

وخوي المصالح مالي ايات حـــــاجه فيه
لو انه ضحك لي في الزمن ينقطع حبله

عديم المروه والنــــذل ماني اماشـــــيه
يحـــصل له من الناس ناسً على الطبله

في وقت الرخا يضحك معك والبلا مخفيه
واذا شـــفت زوله قلت رجال واحسب له

واذا مـن بغــــيته لــــو بريال ماتــــشريه
يصــــرفك ويـــــدور مــــــكان يتـــــهربله

تعلــمت درس من الزمــن ماني بناسيه
وكبدي من اللي شــــفت بلحيل مندبله

وبيتً بلــــيا ســاس غلــــطان من يبنيه
وبانـيه مـــاله ســـاس ياناس ياهــــبله


عايض ابن نور العزيزي

صح لسانك يابونور
لاعدم ولاخلا من حضورك
جزله من شاعرجزل

صح بدنك والله يعطيك العافيه

صح الساانك

ي عايض وابيض وجه على الابداع

ونقل

ومبدع كعااادتك

يالذيب

صح لسااانك

جزل مبدع


تحيي