ミ☆ミ ►╔ اعماق مجهوله ╗◄ ミ☆ミ

الصـوره اللـي ( بجوالـي ) تعذبـنـي

ياكثـر ماجيـت ابمسحهـا ! واخليـهـا

ياللي جفيـت وجفـاك المـر .. ذابحنـي

عقبك وجيـه البشـر .. مانـي بدانيهـا

من يوم حبك .. غـزى القلـب وتملكنـي

قطعـت كـل العـلاقـات وطواريـهـا

اقـرى رسايلـك ودموعـي تسابقـنـي

وارد ! واقرى الرسايل .. واحتفـظ فيهـا

انت آخر انسـان هاقـي منـه يصدمنـي

والظاهـر ان هقوتـي بانـت مواريهـا

لـو الوصايـا ليـا احتديـت ! تنفعنـي

ياكثـر نـاس ٍ علـى ذودي بوصيـهـا

ليت الفـرح ( بنـك ) لاجيتـه يسلفنـي

واقاصده ( راحتـي ) وحقوقـه اوفيهـا

من كثر ماكنـت ! جارحنـي وظالمنـي

قمت اعـزل جروحـك بقلبـي واسميهـا

تـدري وش اللـي يبكينـي ويضحكنـي

انـك محـامـي قضيتـنـا وقاضيـهـا

تدري متاك ؟ تعـرف قـدري وتفقدنـي

لارخصت نفسك ,, لشخص ٍ مايراعيهـا

بكـره الا هملـوك الـنـاس تذكـرنـي

وتقول عـزاه : عينـي مـن يداريهـا ؟

مدام غيـري ؟ علـى قلبـك مشاركنـي

وش هو لـه ؟ اعلـق الأمـال وابنيهـا

يكفينـي انـك رحلـت ومنـت عايفنـي

هذا عـزا النفـس مـن كثـرة بلاويهـا

اهديتك : دموع مـن طعنتـك تحرقنـي

وانـت اللـي تستاهـل الدنيـا ومافيهـا

واهديتني جرح .. موجعني ؟ وعاجبني ؟

لــن الهـدايـا عـلـى مقدار مهديـهـا

صحيح ! ( حنا انتهينا ) .. بس صدقني !!

والله ان تبقى ( هوى روحـي ) وغاليهـا

مفضوح ؟ راع الهيام .. ونظرته !! تغني

ملامحه واضحه ! , في وجهـه راعيهـا

لكـل داء ٍ دوا .. لـو هــو متعبـنـي

الا محبتـك ؟ .. أعيـت مـن يداويهـا

ان قلـت : علمنـي انسـى ؟ لاتعلمنـي

دنيـاي لامـن نسيتـك ويـش تاليـهـا

فارقتنـي وضحكتـك عيـت تفارقـنـي

والله يلعـن ابـو الفـرقـا وطاريـهـا

مقدر !! أفكر بغيرك ؟ .. وانت عارفنـي

عشان حاجه ؟ بقلبي .. مقـدر !! أخفيهـا

اخاف لاحبنـي غيـرك ؟ .. وعاشرنـي

يشوف صورتك فـي عينـي ويوحيهـا

نشدت عنك ؟ وسمعـت اللـي يفرحنـي

وارتاح صـدري مـن همـوم ٍ يحاتيهـا

تبي تعرف ! وش ؟ على الفرقا مصبرني

انـك بخيـر .. وحياتـك مهتنـي فيهـا

من يـوم ماغبـت ! والوحـده تعذبنـي

اقرى ( رسايلك ) فـي حرقـه والاحيهـا

اشوف ( صورتك ) .. ودموعي تسابقني

وياكثـر ماجيـت أبمسحهـا ؟ وأخليهـا

يا من يرد الحبيب وياخذ اجري
قفا بلا سبة ربي حسيبه
ماقدر الله على المخلوق يجري
والعبد لزمنّ ترى ياخذ نصيبه
وا قو ما صابني وا قو صبري
لعل ما صابني منه يصيبه
يا الله طلبناك مغني كل فقري
كل على قد حاله تعتني به

عرفت إن الخريف أرحم على الوردة من الإنسان

وعرفت إن الذي يظلم يشوف الظلم بأيامه

لحى الله سـاعة الفرقى تولّع بالحشاشه نار
....................... أخفّي الحزن في صـدري وبيّن دمعي الحاير
أحس الحزن يطويني وكن الجوف به مسمار
....................... وكن القلب من شوقي شبك في ريشة الطاير
يزيد الحـزن يوم إني اناظر في نواحي الدار
....................... أسلّي النفس عـل إنه يعـود لصاحبه باكر

دايم أذكركـ لكن بعض الأحيان...
تدمع العين لامنـي طريتـك...

تمهل ناظر الدمعة على خدي قبل لا تتروح


وإذا قلبكـ قدر يقسى حبيبي خذ معكـ روحي

فديتك ياهوى نفسي مع الشدات خاويني
فديتك لاقسى وقتي علي وناحت أشجاني
أبيك في لحظة الفزعه تحط يديك بيديني
وأبيك لياشكيت الياس تكون بساحة أوطاني
أبيك البلسم لجرحي وأبيك النوم في عيني
وأبيك اللي ليامني صحيت ألقاه بأحضاني
طلبتك يابعد ذاتي أماااااااااانه لاتخليني
تراني لو رحلت أبقى ضحية كيد عدواني
سألتك بالله الواااالي سألتك لاتجافيني
لأني أمووووت بغيابك ياروحي وجثماني
معي واصل مشاويرك أواسيك وتواسيني
معي إبقى مثل ظلي حذااااري لاتعداني
أبي منك الوعد إنك على غيري تبديني
وأنا هذا وعد مني ماأبيعك وأشري الثاني
وإذا بلسانك الصادق نطقت وقلت تغليني
أنا بأعلن خبر عاااااجل تعالوا إقروا إعلاني
أبكتب داخل الإعلان إلى من صار يغليني
إلى قلبي إلى عمري إلى من صار يهواني
إليك أهدي نغم شعري وكل عرق نبض فيني
وإليك أهدي شذى عطري وياسميني وريحاني
وأبكتب داخل الإعلان وصيه كان شاريني
معي بالطيب عاملني ولاتجرح بهجراني
ومهما تقسي الدنيا علينا لاتعاديني
ولاتسعى أبد في يوم في عندي وعصياني
أبيك دكتور لآلامي من أحزاني تداويني
وأبي لاكفت أبصاري تكون النور لأعياني
وأبي لافاضت أنفاسي تكون أول معزيني
وأبيك بيدينك الثنتين تلف الجسم بأكفاني
وبعد ماأكون في قبري تذكرني وتبكيني
وأكون حزن على بالك ماتغفل وتنساني
أبي لاقالوا العذال وش اللي بينك وبيني؟
تبسم وتدمع عيونك من الحسره على فقداني
وتجاوبهم إني حي وبالأضلاع تخفيني
وإني فؤاد الخاطر معك لاصرت وحداني
أبيك تقول هو مامات أحاكيه ويحاكيني
أبيك تقول هو موجود وخبيته بوجداني
أبيك تقول هو دمي اللي في شراييني
لأنك دمي اللي كان يضخه عرق شرياني
وأبي لازادت جراحك تخيلني وتناديني
وتفتش داخل شعورك وتهمسلي وتلقاني
وإذا طال السفر إقرا كتاباتي ودواويني
وقل ياكثر ماخلي كتب لي شعر وأهداني
ترى لو للقصيد عيووون والله ماتقديني
لأني للقصيد عيون وإسمك رمز ديواني
وترى لو للحروف أهداب تعجز لاتغطيني
لأني للحروف إيحا ووحيك سر لإذعاني
تداركت الزمن يمك الا ياليت يمديني
أخاف أجيك متأخر وسيف الوقت ياطاني
نسيت من أجلك الصادق اللي الروح يعطيني
ونسيت الأول والآخر والقاصي مع الداني
وجاري المسح للباقي وأنت اللي تكفيني
حرام أحط معك غيرك وأحبك وأظلم الثاني
كفايه أنت في دنياي أمل باقي يسليني
أمل صوته إذا ضاع الأمل ألقاه بأركاني
كفايه همسك الحاني إذا جاني يدفيني
ويبدد وحشة ظروفي وتشرق فرحة أكواني
تراك بعالمي شمعه تبدد ظلمة سنيني
وتراك بدنيتي دنيا لها لون وشكل ثاني
ودنيا" مابها حسك ماأبيها وعمرنا فاني:
أنا سميتك الدنيا وأنته وش تسميني؟

"احبـــــــك"


كلمهـ قالها قلبـــي وتحــداني


وهزت فيني اشواقي


و احاسيســـي و وجدانــي


وظلت تسكن بجوفي وبدون شعور تقوانـــي


وانا ارجـــي بس من ربــي يحقق لي كل احــلامي


ويخلي لي


"اعــز الناس "


"واغلى كل خلاني" ..

ايـــــه أحـــبـــــــك ..

خـــلــــي النــــــاس تــســمعــها..؟؟!!

حبيبي جيت ابشكيلك اخذ عمـري وريحنـي

ابحكيلك عن اوضاعي وابيك اليوم تسمعهـا

ابي من وقتك الغالي ولو لحظـه وتسمعنـي

انا جيتك بعد ما ضاقت الدنيـا مـن اربعهـا

جلسـت البـارح ألحالـي لأنـك ماتكلمنـي

واشوف اهموم هالعالم تجي عندي واجمعهـا

حبيبي اعتذر مره وقول ارجـوك سامحنـي

وانا مثلك بعـد اسـف وهالزعلـه نضيعهـا

ترى مالي احد غيرك اذا انـت بتخاصمنـي

تطيح الدمعه من عيني ويجري غصب مدمعها

طلبتك لملم اشواقي كفـا البـارح تبعثرنـي

قسم بالله بس تزعل احس الـروح اودعهـا

حرام العمر يسرقنا حبيبي ارجـوك تفهمنـي

تعب صوتي اناديلك ابـي روحـي ترجعهـا

دخيـل اعيونـك الحلـوه تبسـم لا تجننـي

ترى روحي من البارح وهي تنقل مواجعهـا

زعلت وجيت ابشكيلك بعد عمري تصدقنـي

كرهت الارض فغيابك مـن اولهـا لسابعهـا

بعد هالعمر والعشره حبيبـي ليـه تسألنـي

احبك ؟ ايه احبك .. وخل النـاس تسمعهـا

منك الجفا طال والولوال طول بي "=
" وقلبي عذابك توحد به وطول به

اليا متى وانت ضدي موقفك سلبي "=
" واليا متى وانت عقلي ناوي سلبه

واليا متى الهم يقفي بي ويقبل بي "=
" ودنياي قفت وعيا الحظ يقبل به

واليا متى وانت بالموعد تماطل بي "=
" حرام منهو يبي قربك تماطل به

يا ليتني ملك تملكني وتبخل بي "=
" ياللي تمر وصباح الخير تبخل به

اقتلني افضل ولا للحب تقتل بي "=
"مااعيش انا بارض شفت الحب يقتل به

لا تقتل الحب واقتلني ومثل بي "
=" وقدام كل البشر فلان مثل به