بـــــحـــــر الـــمــلـــذات

السلام عليكم ورحمة الله وبركاته


أنصح نفسي المقصرة، ثم أنصح كل مقصر .
قصيدة متواضعه عسى أن تنال إعجابكم ......


يـاسـابحٍ بـــحـــر الــمـلـذات بـأنـصحك
ولانـي عن الـهـفوات رجـل مـعـصـومي

لاتـتـبـع الـنـفـــس الـرديـّه وتــطــرحـك
لـن طـحـت مـأنـتـه في يدين الرحومي

إبـلـيـس لا يـغـري شـبـابـك ويـفـضحك
وإلـيـا فـضـحـك يــقــول مــالـي لــزومي

يـغريـك بـالـشـــهـــوه ويـضحك ويفرِحك
قـصـده يـصـــدك عـن صـلاةٍ وصـــومــي

عـن صـحـبـة الأنــذال ومــزارق الـضحك
أبــعـد تـرى لـلـطـيـب نــهــج وسـلومي

لاتــصــحـب الـلـي فالمجـالـس يمازحك
في غـيـبـتــك يـكثـر عـلــيـك السهومي

تــرى الأفــاعــي لـن تــقـفـتـك تـجرحك
ماتــصـحي ألا عــقب بـث الـسـمــومي

أخلـص مـع الــطيّب ترى الـناس تمدحك
لاتــذخــر الــمــعــروف عــنــد الـرخومي

إلــزم ســديــد الراي هو سـاس مربحـك
فــي رفــقــتــه تــنزال جِــل الهــمــومي

أطلب عسى اللي مصلح الناس يصلحك
ويـــصــــلـــح لي الـنــيــه وباقي علومي


منيع الله بن داخلِ

صح لسانك واعتلا شانك ابوعادل
محتاجين لمثل هذي الرايعه لاعدم ولاخلا
راقت لي القصيده باجملها وكررت قراة هذا الشطراكثرمن مره

أطلب عسى اللي مصلح الناس يصلحك
ويـــصــــلـــح لي الـنــيــه وباقي علومي

صحح لساانك شاعرنا ابو عادل


وبيض الله وجهك على النصيحه وكثر الله من امثالك

الأخوان العزيزان

الليث
و نايف معلي

صح الله أبدانكم ..مروركم زاد القصيدة فخر وعزة

لكم شكري ...وفائق إحترامي ِ

بيض الله وجهك على هذه النصيحه لتي لاتصدر الا من رجل فاضل