الوطن غربه اذا مالك سكن ~السكن هو الوطن ياهل البشوت.......

قصيدة اعجبتني

لاتقول الوجد جابك والـشـــجـــــــن
لاتـقـول انك عـلى حـبي تمــــــــوت

وينك امن سـنـيـن يـــــوم اني اون
وازعج الونات صوتٍ عقب صوت

جيتني والشيب بالراس اسـتـكـــــن
والجسم مثل الشجر صار محـتـوت

صرت كـني لاجـيٍ ذاق الـمـحــــــن
او يتيمٍ مالـقى بالدار قــــــــــــــوت

دوك جسمي لاعبٍ فيه الـوهـــــــن
صار اوهن من خيوط العنكبـــــوت

غـيـرن بُـعـدك وغـيرني الــزمــــن
عن لـذيذ الهـرج فـضلت السكــوت

مابـقـي بالـعـمـر شـيٍ له احــــــــن
غير ذكر الله ودعـوات الـقــنــــوت

اغـنم ايامـك قـبل لبس الــكــفـــــن
العمر لحـظه وما اسرع ماتفــــوت

ورزقـك المكـتـوب لو كان بـعــدن
ماترده عـنك اهالي حضرمـــــوت

واشهد ان المال في الغربه وطـن
واشهد ان الفقر غربه في البيوت

والوطـن غـربه اذا مالك سـكـــن
السكن هو الوطن ياهل البـشـوت

وش يضر الميت لامنه انـدفـــــن
باللـحـد والا بزينات الـتـبــــــوت

احمد بن عبدالرحمن العريفي
(نديم المجره)

الأخ القدير ......خوي سالم

سلمت أناملك اللتي نقلت لنا هذه القصيدة الرائعه

أهنيك على اختيارك الموقف

صح لسان شاعرها المبدع

يحيتي لشخصككككككككك

المشاركة الأصلية كتبت بواسطة منيع الله داخل

الأخ القدير ......خوي سالم

سلمت أناملك اللتي نقلت لنا هذه القصيدة الرائعه

أهنيك على اختيارك الموقف

صح لسان شاعرها المبدع

يحيتي لشخصككككككككك

هلا ابو داخل يامرحبا
شكرآ لك طال عمرك
واشهد ان الفقر غربه في البيوت