بعض الليالي تطمن خايفٍ جالي = وبعض الليالي ماتحمد عواقبها

هذه القصيده مهداه من اخوكم / عبدالحميد بن سواعد الطريس

يومن كل غفا جريت موالي = وانا همومي مرسيتٍ مراكبها
في ديرتن مابها عمٍ ولاخالي = ولاصاحبن تقبله نفسي ويعجبها
لوكان فيها عربها كني لحالي = مبعد عن الناس خيبها وطيبها
ياكود في مجلسٍ يطري على بالي= ربعنٍ ليا جيتهم ماانته معذربها
لابطيت مريتهم واخذت فنجالي = من دلةٍ ساقها نشمي وداربها
وجابوعلومهم كلن وماقالي = واطيبهم الي علومه ماتكذبها
ياصاحبي ياجمل لاجاك مرسالي= اقر الرساله وتعرف خط كاتبها
من شاعرٍ ماحسب وش بعد الاميالي= ليا بغا شوفة الي النفس يطربها
من نسل حرٍ معرب ماله امثالي = اسمه يشرف مع الاسماء ويرهبها
ولي لابتن في المواقف تحتم التالي = عدوهم لقمته لاجو يغصبها
مايذكر الرجل غير بطيب الافعالي = والقرم لامن عقبله قوم عقبها
والناس ما تستوي والوقت ميالي = كم حسبتٍ ضيعت رجلٍ يحسبها
ودنياك بتذوق فيها المر والحالي = ولاتنشد من الرجال الا مجربها
بعض الليالي تطمن خايفٍ جالي = وبعض الليالي ماتحمد عواقبها
علومك جزال وانا علومي جزالي = وليا سمعت السوالف اخذ اطيبها
مانشتقي بالرخيص ندور الغالي = ولاكل ناسٍ لقينها نصاحبها
امشي على دربي ورزقي من الوالي = وبعض الملفات من طبعي مالفبها
وعن حب من هو ملكني ماني بسالي = الي محبُته في قلبي مضاربها
ماهمني هرج عذاله وعذالي = الي عيون البشر لامر يجذبها
لوغاب عني معي في ا قفاي واقبالي = والروح فدوه لعينه كان يطلبها
ويالله يالله ياعالم بالاحوالي = تلطف بعبدك ونفسه لا تعذبها
تغفرلي ذنوبي وتقبلي اعمالي = في ساعةٍ كل من في الناس يرقبها

شاعرنا ابو سواعد قصيده جزله من شاعر جزل

لوابي أختار لي كم بيت أعجبتني لأخترت قصيدتك كامله

الطريس

ونعم فيك

وصح السانك

قصيدة جزلة

تحياتي

صح لسانك اخي عبدالحميد الطريس

قصيدة رائعه من شخص رائع

قصيده جزله من شاعر جزل وننتظر منك اكثر
وتقبل مروري

صح لسانك اخي الطريس
ابيات جزله من شاعر جزل
نتمنى منك المزيد ابداع منقطع النظير

صح لسان الشاعر
وسلمت وسلمت اناملك التي خطت هذا القصيدة
تم النشر على تويتر
https://twitter.com/beni_aziz
تم النشر على الفسبوك
http://www.facebook.com/profile.php?...50&ref=tn_tnmn

صح لسااااااان الشاعر عبدالحميد

قصيدة تستحق الاشاده



وسلمت أخي الطريس عال النقل


تحيتي لشخصكككككككككك