قصيدة في هلال سندان البنيد العزيزي

سلآمٌ عليكُم و رحمَة الله و بركاتُه
هذي القصيدة في ؛ الشيخ هلال سندان البنيد العزيزي
رجال نطقت له الحروف وكونت له ابيات لكي توصف بكرمه وطيبه وخوته ..
وهو يستاهل اكثر من قصيدة ..
اقدم لكم قصيدتي بتواضعِ أحرفها : نسَجَها لَكُم ب قَلمي
لعلّها أيضًا تَفي و تنال على اعْجابكم ..
هلال رجل العز وطيب نوماس
رجلاً على الوقفات واسع مجاله
راعي كرم من طيب مبني على ساس
صاحب سمو وامير من شي ناله
لا جيت تبغى العلم ودرب منحاس
تقدح زنود الفكر من سطو باله
الله يوفق راعي الطيب قرناس
لا رحت يمه سكنك في ضلاله
يشب ناره عز وياخذ من الراس
والهيل والبن الاخضر في دلاله
والعود الازرق ريحته تبعد الباس
شهم الوفاء من طيب عمه وخاله
تلقى علوم المرجله فوق مقياس
وهذا الخوي لركا على الحمل شاله
حنا رجال مطير مع كل نسناس
يشهد لنا التاريخ والكل قاله
الشاعر / احمد منيع الله عطالله العزيزي

اخوي احمد منيع الله
صح لسانك على هذه القصيده الوفيه
للحبيب الغالي أبو طلال يستاهل ديوان وليس قصيده فنعم الرجل
نسال الله أن يديم عليه الصحة والعافيه
بارك الله فيك ولاهنت وبيض الله وجهك

تقبل مرورى

دربه خضرهلال سندان نبراس
واحمد منيع الله يجيب الجزاله
صح لسانك اخي احمد
ويستاهل البنيد كل جديد
وتقبل تحياتي

صــحت ابدانكم..

ومشكورين على مروركم على القصيدة

وتفاعلكم معاي وربي يسعد كل اوقاتكم بالف خير

...