خبروني عنه ياسكان جده

هذي قصيده للشاعر مزيد الرهيف
يسأل عن ابن عمه عبدالله الرهيف
عندما اجريت له عمليه وتكللت بالنجاح

قلب ابو سلطان ويش اللي جراله
خــبــروني عــنه ياســـكان جـــده

ياعـــساه ابخير والنـــوماس فاله
مابــقـــلبه غـــير شـحنات الموده

اكــتـــبوله تهـــنــيه عبر الرساله
الــعــــــذاره بيحن ســـدي وسـده

يــــوم كلن شــاب مــع تالي لياله
انـــشــد الدكــتور والاسرار عنده

وقد قام بالرد عليه عدد من شعراء جده
ومنها هذي القصيده للشاعر عبدالله هلال

ان كان يابوحجاب تنشد كيف حاله
مـــســـتـــصح ولابه خـــــلافاً نعده

وقــلبه الله عــــالم وش هـو طراله
حـــير الدكــتــور في مـزحـه وجده

انــشـــده يـــبي يعـــرف اللي بباله
مــــيــر عــــي ماعــــلى باله يعـده

صــــور ايمن قــلبه وصــورشماله
ثـــــم قفا مامــــــعـه عـــلمـن يرده

وابن عــــمك بالهوى ماهـو لحاله
يــمــكن ان العــــلم مبطي قـبل مده

صح لساان مزيد الرهيف

وصح لسان عبدالله هلال

مبدعين ومتميزين

وسلمت يافخر مطير على النقل مبدع ولا تاتي الا بالابداع

تحيتي لك

صح لسان الشاعر مزيد الرهيف
وصح لسان الشاعر ابن هلال
والحمدالله على سلامة ابوسلطان
وسلم نقلك اخي فخر مطير

حياك الله يافخر مطير

وصح لسان ابوحجاب وابوهلال

أبيــات جزله وابداع

وابوسلطان يستـاهل هذا الإحساس الجميل منــك

ابوسلطان عضو له إحترامه وتقديـره بين أخوانه وخواته بالمنـتدى

يستحق هذا الشعور بـــلا شـك

تقبل مرور البنيد

اولاً نحمدلله على السلامه سلامة ابو سلطان

مداعبه رائعه من شاعرنا المتالق مزيد الرهيف

لايخلو قصيده دايماً من الرمزيه

صح لسانه على النص السلس والمرن

نص عذب قرأته اكثر من مره

طقت الحميا مع ابو وايل وهذا موقفه ولانلومه على الرد

رد كافي ووافي وانا من المعجبين بنصوص ومفردات ابو وايل

وشكرا لك اخوي فخر مطير وياليت توافينا بباقي الردود

اخونا الكريم

فخر مطير

كل الشكر على ايراد القصيدة القيمه

وصح لسان شاعر مزيد وعبدالله

عزالله يستحق اسوال عن ابوسلطان

ولحمدلله على سلامة ابو سلطان

المايسترووو

جزلة جزلة جزلة
صح لسان الشعار
تم النشر على توير
https://twitter.com/beni_aziz
تم النشر على الفسبوك
http://www.facebook.com/profile.php?...50&ref=tn_tnmn

اخواني
نايف معلى العزيزي
الليث
معلا رزن البنيد
الطريس
المايسترو
خوي سالم
الله يسلمكم من كل مكروه
ويعطيكم العافيه ومشكورين على مروركم