قادة شيوخ الحجاز ومقدم افواجها

اخواني 00 اخواتي

السلام عليكم ورحمة الله وبركاته

اضع بين ايديكم هذه المتواضعه التي القيتها في حفل الشيخ مطر بن نويف المندهه في عقد قران ابنائيه فيصل وعبدالعزيز

سلام تسليم منصاه الرجال الكرام=اللي على الطيب ممشاها ومنهاجها
يضفي على اهل المقام ومن حضر فـ المقام=فـ الحفله اللي يشع ويضوي سراجها
في حفل نسل الشيوخ يزين نظم الكلام =قومٍ خذوا (فـ المعالي)عالي ابراجها
الآد مشخص هل البيرق حماة الجهام=لن شب روس الفتيل ودن نجناجها
واهل فعولٍ تنومس في نهار الزحام=لن مال ميزان بقعا والردي عاجها
يردون حوض المنايا مثل ورد الحيام=ان شرعت سابلة تيما وهداجها
قومٍ تقود السرايا قبل حكم الإمام=ان عمسن الامور وضاق مخراجها
منادهه روس قومٍ مالحقهم ملام=قادة شيوخ الحجاز ومقدم افواجها
من عهد مشخص اليا عهد ابو مقرن وسام=عادة شيوخٍ تنومس يوم نحتاجها
وبني عزيز اهل العزه وهم الحزام=يومن سود الليال يدور مدراجها
ربعي من الطيب مكسبهم علو السنام=لو غليت العين ماتعلا على حجاجها
هذا وحنا بني صوان سيفٍ حسام=(صوان) طب الكبود الكايد علاجها
جينا نبارك لـ ابو فيصل وفاء واحترام=شيخٍ علوم المراجل لابسٍ تاجها
وصلاة ربي على المختار سيد الانام=عداد محيا المشاعر وفد حجاجها

صح لسانك يابو نايف قصيده جزله من شاعر كبير وبو فيصل يستاهل العلم الغانم

صح لسانك اخي الشاعر رويضي
ويستاهل ابو فيصل كل خير

اخوي البتار
اخوي الليث

مروركم على متصفحي دافع لي لمزيد من العطاء

كونوا بالقرب لاغناه لي عن تشجيعكم ونقدكم ان وجد

شاعرنا القدير رويضي العزيزي

صح لسانك مدد بلاعدد على هذه الجزله

وشيوخنا المنادهه يستاهلون اكثر

ويستاهل ابو فيصل التشريف والمشاركه