ياحبيبي ما يفيد الا المجامل

تحية طيبة للجميع

ياحبيبي ما يفيد الا المجامل.......الصراحه فالزمن هذا عماوه

يمكن اني فالهوى ماني بصامل....داخلن دنياه من باب الفضاوه

تدري ان الحب ناتج عن عوامل ..... من فراغ القلب والا من شقاوه

اما انا قــلبـــي مهملني وهامل.....اثرت فــــــيه الحضاره والبداوه

من العذوبه فارغ وخالي وخامل...... والليونه مـــالها عنده حفاوه

من الشــقا والهم قلبي فل كامل..... كل عــــام من الشقا ياخذ علاوه

وكانك تــقـــول المحبه بالتعامل.... والــــوفا واللين وابعاد القساوه

قوم عــطني يالغلا تامين شامل.... للشقا وامشي معك زي الحلاوه

........................................

نايف معلي العزيزي

من العذوبه فارغ وخالي وخامل...... والليونه مالها عنده حفاوه

اقسم بالله كأنك تتكلم عن حال قلبي يا رجل ؟؟؟؟؟؟؟

صح السانك ، و البيت الاخير يبي صح السانك لحالها

ياحبيبي ما يفيد الا المجامل.......الصراحه فالزمن هذا عماوه

يمكن اني فالهوى ماني بصامل....داخلن دنياه من باب الفضاوه
مبدع

قصيدة رائعة
صح لسانك
تقبل مروري
(ام المجد)

اقسم بالله انك مبدع
من الشقا والهم قلبي فل كامل..... كل عام من الشقا ياخذ علاوه

وكانك تقول المـــحـبه بالتعامل.... والوفا واللين وابعاد القساوه

قوم عطني يالغلا تامين شامل.... للشقا وامشي معك زي الحلاوه


انـتـعــشـم فـيك يانايف ونامل000انت تكتب شعرك بذوق ونقاوه

صح لسانك اخي نايف
ابدعت وبقوه
راقت لي ابياتك ومتابع لجديدك
على القوه لى الامام المستقل امامك
وتقبل مني اجمل واحلى واغلى واعذب وارق
تــــــــــــحــــــــــــيـــــــــــــــــــاااا اااااااااااااااتي

عمر رهايفه.... صح بدنك ولاهنت على المرور ... اجل قلبك قاسي بالحيل هههه ... تسلم على المرور

البتار... الابداع منبعك يالغالي ويكفيني مرورك

ماجده.... شكرا على المرور العطر لاعدمناه

الليث.... والله انك تحمسنا يارجل.... وانت حضورك ومرورك على متصفحي ابداع بحد ذاته ... لا هنت ولا عدمنا طلتك يالغالي