عاشق هباء ياصاحبي

هذي الابيات حين ماطلب مني احد الزوار يقول ياالليث
اكتب مطالبن بعودة عاشق فكتبت هذي الابيات

ياالليث اكتب وانتق اجـمل حـروفك
واكـتـب لعاشـق بيت وجمله مفـيده

عاشق هباء ياصاحـبي مـانــشـوفك
طال الـغــياب الـيــوم وزود رصـيده

مـتـى نـشـوفك بـس تسمـح ظـروفك
في عــودتك لك مــني احــلى قصيده

كفو يامقدي الجهام
تقول وتطول
ميراسمع
يامقـدي الجهـام جهــزصفوفك
وازهم لنا نايف ومن هوتريده

واحذرمن الشعارلاحدن يطوفك
خابرك شاعـر بالمـواقف وليده

يعلم الله من اعجابي بتعليقك واسعدني مرورك
عاد انت ونايف مافيكم حيله

صح لسانك يالليث كفو ولعت المنتدى
شكلها ملعبها ناريه ماهم تاركينك مقدي وابن معلي
حنابانتظار الشعار

المشاركة الأصلية كتبت بواسطة برق

صح لسانك يالليث كفو ولعت المنتدى
شكلها ملعبها ناريه ماهم تاركينك مقدي وابن معلي
حنابانتظار الشعار

صح بدنك اخي برق السعد
والليث على اتم الاستعداد لهم ومنهم نستفيد

ياصاحبي مشكور منسى معروفك
............وأهل الوفاء ماهي عليهم جديده

الطيب يالـيث الـعرب مـايطـوفك
............والعذر لأصحاب العقول الرشيده

يالوصل كيف البعد يلغي طيوفك
............وفي وصلكم تبقى الليالي سعيده






المعذرة كتبتها على عجل من جوالي وجعلي ما خلا من مشاعركم الطيبه ..

صح لسانك اخي عاشق هباء
وبيض الله وجهك على الرد

شعور طيب من الليث وصح لسان الشاعرين الليث وعاشق هباء كل التحايا لك

المشاركة الأصلية كتبت بواسطة الكـــف النـــدي

شعور طيب من الليث وصح لسان الشاعرين الليث وعاشق هباء كل التحايا لك

اخي
الكـــف النــــــدي
شعورك اطيب وصح بدنك
اسعدني مرورك

تسلم عـــسى راعــي الردا مايحوفك
عاشق هباء راعي الصفات الحميده

ماهـي غـريبه وانت مـكرم ضــيوفك
انـتـم رجال اهـل الـــوفاء والعــقيده

يالــنــادر اللــي فارقـاتـن وصــــوفك
جزلن وبالـــمــوقــف فـعــولك وكيده

عسى ماطول يامقدي وقوفك

الوقت قاسي والليالي عنيده

يلوفني يالليث مما يلوفك

ومحاورات الليث فرصه سعيده

بحط معدالي وعطني كفوفك

ماني مخلي للشرايد شريده