عشر وصايا

منقول

ابوي يقول اسمع وصاتي وانا ابوك
عشر وصايا قادحه من شراره

من تجربه الدنيا وجردن مهاليك
لقا بها الافراح عقب المراره

الاوله طيب النبى في ملاقيك
حافظ عليه ولا تنقص عياره

لاتغض عينك لاتكلم محاكيك
عطه على جوه وقدر وقاره

والثانيه من جاك زابن وناصيك
قله احرست ودارك تصير داره

وان صاح ابن عمك فلا تقول وشفيك
افزع معه واصمد على كل غاره

والثالثه خوة اهل الطيب تغنيك
والا ضعيفين الروابع خساره

ومن يضحك بوجهك وهو مايدانيك
كبه وخله يحترق وسط ناره

والرابعه لاحزت نصرك بأياديك
اقنع بنصرك لاتعاود مساره

لاتومي بنفسك بدرب المهاليك
مشين على الرجال كون انكساره

والخامسه خابرك وانا مربيك
ماينفعك كثر اللعب والدواره

قلط ربوعك مجلسك يوم تأتيك
وخل ألعودالأزرقيدور داير مداره

والسادسه رفيقك اللي يخاويك
سافر معه وتعرف ماكر حراره

اما رفيقن في مماشيه يحييك
والا تغير وجهتك عن مساره

والسابعه سرك يميتك ويحييك
عليك بالكتمان تاره وتاره

افشاء سرك عند من لايراعيك
مايرفع البنيان عقب انهياره

والثامنه من قبل لا اقول واوصيك
لا خير في جارن مايحب جاره

جارك عطه روحك وما تملك ايديك
ركد له الدله وشب المناره

والتاسعه لو يغلط بحقك اخيك
خذها بشحم وارفع مع الناس كاره

علمه ترى علمك وطاريه طاريك
عليك به لو كان ماله جداره

والعاشره حب الهوى جعل مايجيك
وان جاك فاللطف به وصونه وداره

يومن بيضحك بك ويومن وبيبكيك
وياعزتي لك لاتعدى الستاره

واللي عن العشر الوصايا بيغنيك
عمود دين ونور درب ومناره

ترى الصلاه وبس هي من تنجيك
واللي ماهو يصلي حياته خساره..

واللي عن العشر الوصايا بيغنيك
عمود دين ونور درب ومناره

ترى الصلاه وبس هي من تنجيك
واللي ماهو يصلي حياته خساره..

بيض الله وجهك يامحمد الذيب

ووجهك ابيض يابرق

كل الشكر

اخوي محمد الذيب

احسنت الاختيار لله درك

وصايا قيمه

صح نقلك وصح لسان شاعرها

مرورك اسعدني ياعمدة المنتدي ابو فيصل

كل الشكر لك مني

صح لسان شاعرها

وسلم نقلك ابن الذيب

الله يسلمك اخوي الليث