ووين الشعااار الليل الليل

ملخص المحاورره


سفير المهد

ياحضرة الشعار عندي علم كلا يسمعه= وبعض السوالف ياعرب ماودنا تاجيلها
الليله الحمله ثقيله ثقل ضلع الموقعه=وين انت ياللي ترتكي لحمولها وتشيلها

[/align]

محمد العزيزي

يامرحبا ترحيبت اللي لا رمى من مدفعه = دك الجبل دام الفكر دله و وازن هيلها
هات الخبر ياصاحبي لابد يرجع مرجعه = هي فكرة" لي غاليه اتعب لجل تبجيلها

سفير المهد

دام البقاء ياللي تعرف الحق حق وتتبعه=والشله اللي ماتعرف الحق واعزي لها
القوم قامت ترسل الفرسان خمسه واربعه =وحنا تحت رجوى السحابه والبروق نخيلها

محمد العزيزي

اهل القصيم تذود دون الدار والا المجمعه = من دونها ياصاحبي ربع" تقوي حيلها
ياغازي الديره ترى بعض المواقف صرقعه = ياحليلها بعض العرب لاجاتنا ياحليلها

سفير المهد

بعض السيوف الله يثيبك ماوراها منفعه= لاصار ماتفتكك من القوم ليش تشيلها
هذا الصحيح وميزة الحر النداوي برقعه= وكلا على ماقيل يعرف عدلها من ميلها