قصيدة الشاعر : لافي الصيدة

هذه قصيدة الشاعر : لافي الصيدة المطيري

والمسماه ( مـــــــــــــــــــــي)

قصيدة جزلة ورائعه

اليكم القصيدة







صحيح انا شايب بعد واسمر شـوي

والحظ ( هاف ٍ هاف ) يذهب وياتي

واسمي من الأسماءا لقديمات يا مي

اكـيـد مــا يـعـجـب كـثـيـر البـنـاتـي

حظـي كـذا لا هـو بطيـب ولا سـي

مثل ما قالـوا مـا دعـت لـي حماتـي

والشايب الله يرحمـه مـا تـرك شـي

الا عـشـر مـعـزا وسـبــع لقـحـاتـي

يا بنت راسي ما عـرف بـارد الفـي

ما بين شمس وحمـس هـذي حياتـي

ايــام اسايـرهـا رغــم فعـلـهـا فـــي

وايــــام اجـابـهــا بــذاتــي لــذاتــي

اصبـر لجمـرة ذيـك كلـه لأجـل ذي

خــوفٍ التتقصـيـر فـــي واجـبـاتـي

عندك خبر حبل الرشـا ياسـم الطـي

وحتى الهوى نحت جبـال السراتـي

قال المثل مـا فيـه شـيء بـلا شـيء

والمـغـفـرة مـشـروطــةٍ بـالـصــلاة

الـهـون ذل وزي مــا هــو لـنـا زي

عن كـل هـون اختـار رقعـة عباتـي

حلفـت لـلأعـز راســي وانــا حــي

مــا دام راســي يــورح الذاريـاتـي

وقصيرتي لو هي مثل شمعة الضي

تحـرم عليـه مـثـل حـرمـة خـواتـي

وانكـان ودك تعرفيـن اكـثـر شــوي

هذي صور وجهـي وهـذي صفاتـي

وان شفتهـا ياقلـب عيـت بـعـد عــي

المسكنه مـا هـي سمـه مـن سماتـي

اصبـر لـوان الكـي مـا يبـري الكـي

ورزقي علـى اللـي كـون الكايناتـي

اختار حرف الألف والسين والجـي

وغيري كثيـر اللـي يسـوي سواتـي

قدامنا راحـت علـى ابـوك يـا عـدي

بـغـداد والبـصـره وشــط الـفـراتـي




الشاعر : لافي الصيدة