إهداء للأخت فجر

هذي قصيدة لي اقتصيتها من محاورة بيني وبين أخي الشاعر المخضرم العلم الليث
آمل أن تنال استحسانكم أهديها لأختنا بنت الشجاع التي أعلنت انقطاعها عن المنتدى
لأسباب لعلها تكون خير لها ولحياتها المستقبلية ،،،


ياطير بلغها سلامي إذا طرت
عني وعن ربعي لبنت الشجاعي

وأنا لجل مدح العفيفين اخترت
أشوى من اللي يلبسون القناعي

طيبة وعفوية مع خبالة زقرت
واذا بغيت العلم للعلم راعي

علام يا وقت الرخا عنه وخرت
وهو على لاماك شفوقن مراعي

هذي خصوصيتها وانا ماتفسرت
أكيد جدت في حياته دواعي

أقولها ولاني مخيَر ولا شرت
لعل من بعض المضرة انتفاعي

ماينفعك لوك شجبت ولو أنكرت
هذا قرار أقدر أقوله شـجاعي

إلى متى مانحسب لخطوتنا كرت
على طريق الزين تحقق مساعي

بعض العرب انحاش لمسقطه سرت
يبا الامان وطاح وسط السباعي

لوك زرعت الطيب فالناس ما جرت
وفرقتهم ما بين شبعا وجياعي

تجني وفا لكنك لحتفك اخترت
موتتة جريذين كلته الأفاعي

ونعَود لموضوعنا ياراعي الفرت
أحس فالموضوع شي اصطناعي

من موقفه أنا حقيقة تحيَرت
لكن أحس إنه مضى باقتناعي

ياصاحبي أنا على الصبر سيَرت
وحطيت فيه حاجتي والمتاعي

الى طرت علي ذيك الخبايا توترت
ماعندي عن حكم الإله امتناعي

صح لسانك اخي ابويزيد

وتساهل كل خير اختنا فجر

ياطـــــير بلغـها ســــــلامي إذا طرت
عني وعن ربعي لبنت الشجاعي

تستاهل السلام بنت الشجاع
قصيده من صميم القلب ومؤثره

المشاركة الأصلية كتبت بواسطة العزيزي المغترب

صح لسانك اخي ابويزيد

وتساهل كل خير اختنا فجر

صح بدنك يابو وليد ،،،

المشاركة الأصلية كتبت بواسطة الليث

ياطـــــير بلغـها ســــــلامي إذا طرت
عني وعن ربعي لبنت الشجاعي

تستاهل السلام بنت الشجاع
قصيده من صميم القلب ومؤثره

بيض الله وجهك بالليث وعلى خُطاك طال عمرك،،،

صــح لـسانك يا بطل
بيض الله وجهك على هالقصيدهـ
وفـــعلاً تستاهل بنت الشجــاع

صح بدنك ياصاحب الفخامة،،،،،

اخواني سمو الذات والليث

قصيده معبره وبنت الشجاع تستاهل يقال فيها اكثر من قصيده

صراحه فاجاتنا بقرارها

صحة السنتكم

صح بدنك يالطريس وبيض الله وجهكـ،،،

الله معها وحافظها وين ماحلت يارب...تستاهل كل الطيب...
تسلم...