كورنيش الخبر

جمهور بعلمكم بقصه لها يمكن شـــــــــــــــــهر
قصه غريبه ليتني ياناس ماســـــــــــــــــــويتها
مره من المرات كنت امشي على شاطي البحر
في الليله اللي غرني الشيطان ثم ســـــــر يتها
قبل تطول السالفه بقول منها المخــــــــــــتصر
واذا سمعتوها تبين مشكله عانيــــــــــــــــــتها
لقيت لي بنت تمشى عند كورنيش الخـــــــــــبر
من نظرتي للبنت حبتني وانا حبيــــــــــــــــــتها
قالت توصلني معك قدام والا عليك امــــــــــــر
قلت اركبي ثم ركبت او وديتها لا بيـــــــــــتها
قالت تفضل معي ثم دخلت في ذاك القـــــــــصر
وجلست جلسه لو يطول الوقت ما مليــــــــــتها
قالت بقدم لك هديه والسموحه والعــــــــــــــذر
ان كان انا قصرت في هدية مديــــــــــــــــــتها
عطتني الهديه بكرتون في لمحة بصـــــــــــــــر
وطلعت مع باب القصر والعين ما لديـــــــــــتها
الا بوجهي خمس دوريات برا تنـــــــــــــــــــتظر
اثرني مراقب من اول ساعة مريـــــــــــــــــتها
حاولت افر ايمين والا ايسار مافيها مـــــــــفر
في لحظة ماعاد تنفع ليتني يا ليـــــــــــــــــتها
جلست محتار ومدخدخ كني بحاله ســــــــــــكر
حاولت اكحلها لكني با اليدين اعميـــــــــــــتها
الزبده اني معي في الكـــــــــرتون شايلي بزر
امحق هديه ليتني ما اخذتها خليـــــــــــــــــتها
وفجاه سمعت مطوع الحاره ياذن للفــــــــــجر
وصحيت من نومي وصليت الفجر صليـــــــتها
ونهايه الموضوع اقول الحمد لله والشــــــــكر
دام ان شي صار عود حلم لو مشيـــــــــــــتها
الشاعر عايض العزيزي