يالله يلي تسجد الخلق لرضاه

السلام عليكم ورحمة الله وبركاته

اليوم اهدي لكم هذي القصيد وهي لشاعر المعروف عبدالله بن حمود بن سبيل عسى ان تنال اعجابكم
والقادم اجمل


يالله يلي تسجد الخلق لرضاه
ياوامراً خلقه على حج بيته

تفرج المن سده على الناس مبداه
راضي على مقسومك اللي عطيته

شياً يسل الحال والجسم يبراه
والناس مايشفونه اما شفيته

قلت آه واجرحاه من خلتي آه
ون حملوني حمل غياً قويته

قالوا سفا بالحال ويش اللي اغواه
قلت آه ويش المنكر اللي وطيته

قالو جهلت وبان علمك لمنهاه
قلت آه علمي ياملا ماكميته

قالوا طلبنا لك من الله معافاه
قلت آه وحدته وعفوه رجيته

قالوا هله واحباب عينه نصحناه
قلت آه هذا وارداً مابغيته

قالوا ندور لك مع الناس حلياه
قلت آه لو غيره بكفي رميته

قالوا نشاش الحال وش لك بلاماه
قلت آه عود الموز بيدي لويته

قالو تزوج كود تدله وتنساه
قلت آه لوخذت اربعاً مانسيته

قالو من اقصى الناس وين انت وياه
قلت آه منسى يوم جاني وجيته

قالوا نشوفه عند هذا وهذاه
قلت آه معمره عقب حجر بيته

قالوا عليل اوناقلاً داه برداه
قلت آه باقرابي وروحي فديته

قالوا نشير اومانفع ماحكيناه
قلت آه هراج النمايم عصيته

قالوا كثر شيبك وقلبك بعمياه
قلت آه لو قلبي غريراً نهيته

امطاوعاً قلبي بعجفاه وقداه
واليا عطا منهاج درباً عطيته

ياناس خلوا كل وادي ومجراه
قلتوا كثير اوقولكم مالقيته



وسلامتكم

تسلم ايدك علي طرحك الشعري الرائع
صح لسانك ولسان الشاعر :عبد الله بن حمود بن سبيل


لكم مني خالص الود

احسنت الاختيار وابدع ابن سبيل

وشكرا لك

ابو ياسر

قصيدة جميلة

تحياتي

بيرق مطير

ابو احمد

الرهيف

شكرا لكم على المرور

ابو ياسر

تسلم ايدك علي طرحك الشعري الرائع
صح لسانك ولسان الشاعر :عبد الله بن حمود بن سبيل

وفي إنتظار الجديد القادم

لك مني أرق سلام

ياناس خلوا كل وادي ومجراه
قلتوا كثير اوقولكم مالقيته

هديه جميله ورائعه ياابو ياسر وفي انتظار القادم .