قصة اهل العشر مع القصيدة

بسم لله الرحمن الرحيم

السلاام عليكم ورحمة لله وبركاته

كثرت لأقاويل عن اهل العشر وقد نسبو تلك القصه لعدة قبائل وهي في لأصل للعوارض

حين صارت عليهم معركة دامية في شرق الدهنا عند مشذوبه وهو تل مرتفع

المهم مع شروق الشمس عدا الرقيبة في راس هذا التل نظر إلى سربة من الخيل لاحقه

بأثرهم وعطء ربعه العلم بما شاف فنتشرو وعددهم اثنا عشر عشره منهم مسلاحين بعدة

الحرب كامله واثنين بدون سلااح فثارت ثايرتهم وعزمو على فك ارقابهم واركابهم فقرنو

الجيش كل اثنين بحبل وظلو يدافعون دونهم ونصرهم لله وصدو الخيل عنهم حيث توالت

الهجمات عليهم من فجر حتى غروب الشمس ولم يستطع بيرق ابن الرشيد ان يصل إلى

مقصده فرجعت جموعه على ما ذبح منهم وصوب فرجعو اهل العشر ولم يمت منهم غير

اثنين وقال الشاعر غنيم الحريبي العارضي قصيد يقول فيها

يوم عدا الرقبية راس مشذوبه=قال زلوا وجاه الجيش زرفالي

شفتلي شوف ريبه لا بليتوبه=شوف ريبه ومنه القلب يهتالي

لحقت الخيل بالتومان مركوبه=مرتهين الطمع مرخين الاحبالي

وحولو لابتي في كل مسلوبه= واقفت الخيل معها الدم شلالي

كم جواد ابزين الصدر مصيوبه= وشوف عيني ابراعيها عقب مالي

سبق الخيل ذبحت بالسهل صوبه= واذبحوا كل فارس فوق مشوالي

وكل ماقلت عنا بطلوا نوبه=الحقو سربتا تسعين خيالي

يحسبنه انعود عند مندوبه= يوم يرسل علينا خيله ارسالي

مادري انا هرجنا باللي هرجتوبه=مارثت جدنا فكاكة التالي

الركايب اعيال ابريه عيوبه= احتموا جيشهم ماضين الأفعالي

وهجنا ماركبهم كل زاروبه=كود منهو عريب الجد والخالي

والولد في شبابه رأس عذروبه=كان ماهو يلطم كل من عالي

ويوم لحق الأمير وحلت الشوبه=لاقرايا ولا مزين ولا جالي

مل عينا بكت ماهي مصيوبه=من نهارارخص ماكان غالي

ياعمارابسوق الموت مجلوبه=ماحسبنا على الدنيالها تالي

درقست سابقه بالحزم مصيوبه=راح مرجل وعيوضناه الاحبالي

من شريق الضحى ياقابل التوبة=لين غابت وحنا هوش واقتالي

الضفر ساعةوانحل ماجوبه=والمعاسر لها حزات وارجالي

وساعة العسر معها اليسر مكتوبة= ونحمد الله ونشكر ربنا الوالي

وفعلنا اللي بقى والناس عجوبة=يرفع الراس من تاريخ الأجيالي

والله الي يقدي العبد بدروبه=ينفع العبد في بعضات الا حوالي

هذى وسلاامتكم وبأذن لله في اقرب وقت اطرح لكم القصيدة لأخرئ التى ذكرت ايضاًعلى

القصة