تحيه لابو سلطان

بدينا بذكر الــــي فـــــرض ليلة المعراج
وسير جـــــــموع الناس للـبيت حجاجي

بعدها نبي نبداء المعـــاني وانا المحتاج
لجزل المعاني واعـــذب الشعر محتاجي

الا ياهاجوس الشعر عودي علي ادراج
ابا اعرضه شيخاً عــــلى الطيب دراجي

سلامي على الي فوق متنه يشيل التاج
مـــع انجومه الثنتين والثالث التاجي

عـــقيد المراجل طيب الساس والمنهاج
حـــكيم وشجيع ومدركاً كل منهاجي

تحـــيه لابو سلطان حيثه طليق احجاج
يروم المعـــــالي ملتجي كل محتاجي

وانا كيف اكافي واحــــدن يتعب الهراج
ومن دون مـــــدحه ينتهي كل هراجي

ســــلايل شيوخن مثل عد الروى هداج
كعام الــــحريب وبالكرم مـــثل هداجي


مزيد الرهيف

مجاراة الشاعرسلمان بن سلطان المندهه
على قصيده خاله الشاعر مزيد الرهيف





لفتني رسايل وافــــده وفـــــــدة الحجاج
وكلً يبي يرســـــل وعـــــجلً ونهاجي

مدايح ثنا مـــــــن عند مزيد تقال علاج
قريت الرســـايل واختلف جو الامزاجي

وقامت تلاطم في ضميري كما الامواج
ادور جزيل الـــشــــعر في قوة امواجي

وانا كيف اجاري مزيد ويالله المخراج
وانا بطـــلبه ربي يجـــمـــــل بمخراجي

وخالي سبك حرفه كما اللؤلو الوهاج
ويرسل تعـــــابيره كـما النــور وهاجي

وانا ساري ابليلي وحطــيتك انت سراج
يقديني ابدربي وهـــــج طيبك اسراجي

ومزيد كما عــــودً بوسط المجالس لاج
كما العــــــودالازرق طيب الذكر لالاجي

خوالي ليا صكت على الناس بالمزلاج
بسيف الرهـــــــيف ينكسر كل مزلاجي

خوالي كما بحر تقـــــــفاه موج وهاج
ضــــرب ساحــل ومينا حطير ليا هاجي

صح لسان الشاعر مزيد طلال الرهيف على هذه الجزله ويستاهل ابو سلطان معلقه

وصح لسان الشيخ سلمان بن سلطان على الرد الجزل

وسلمت يمناك اخوي فخر مطير على النقل

صح لسان الرهيف وصح لسان بناخيه
ابدعتو ويعطيكم العافيه وسلم نقلك اخي فخر مطير

صح لسان ابو حجاب وابوسلطان

ماقصروا امتعونا للأمانه بهذه المساجله

ونعم المادح والممدوح

افتخر بهم