اهتم خوف على عرضي يسبونه

من حبي للقصائد والشيلات وبحكم كثر الفرفة بالنت للبحث عن القصيد السنع
طاحت عيني على هالقصيدة الرااااااااااااائعة
واللي اثرت فيني أبياتها بالحيل



القصيدة للشاعر/ سعد بن زامل .. رحمه الله
وهو من سكان روضة سدير ..
حيث كان في مجلس سارح الفكر ومهموم وسأله احد الحاضرين عن سبب همه ؟!
فرد عليه الشاعر بهذه القصيده واللي يقول فيها....






اهتم خوف على عرضي يسبونـه


أخاف من واحد بالهـرج يقفانـي



اخاف من كلمة ما هيب موزونه


تحسني هرجة ما جـت بميزانـي



الصدق كمل وعد اليوم من دونـه


لا تأمن بالناس لو تدعي بالاماني



كم واحد عن طريق الرشد يغوونه


ضلوه واغووه وعنهم راح خسراني



شو ير سو اذا جـوا يستشيرونـه


داق لسانه وقلبـه قلـب شيطانـي



ان قل ما في يدك عيبـك يشوفونـه


عقب الصداقـة يحطونـك جليدانـي



يا باذل الجود حذرا غيـر مأمونـه


من جرب الناس شاف وجاه ما جاني



انشد مجرب ولا ينسـب يقولونه


عني ترى فعلهم من ضعف الايمـاني

ابيات نالت اعجابي ايظاً
كل الشكر اختي الشيخه

مشكور اخوي
واتمنى اني وفقت بالموضوع و نال اعجابكم