ياقلب يلي ورثك جروح والآم

قصيدة جديدة لابن فطيس اتمنى ان تنال اعجابكم كما نالت اعجابي

الله ااااالله اااااالله

لو للقلوب اسواق بايع وسوام
لا ابدلك وان جيتني ماشريتك

صح لسان بن فطيس ولسانك يالرهيف

يـــــالبيه والله يابن فطيس

مبدع يالرهيف








عقبال ياماخذ فؤادي مية عام ..
.. ضيعتني منك وانا ما اهتديتك

لا ..ما نسيتك كيف بانساك ما دام ..
.. ذكرى الفراق تهزني لو نسيتك

حبك قدر وانا على دين الاسلام ..
.. مكتوب في وجه الجبين ورضيتك

لك في الضمير الود والحشمه اتوام ..
.. ولي في ضميرك مثل ما انا بغيتك

ولك منزل في نايف القلب وخيام ..
.. وذود الغلا ترعاه ولا شكيتك

يفطر عليك القلب وان فارقك صام ..
.. والله لونك شوك سدره كليتك

القلب طير لادعي للهوى حام ..
.. والا انت وكره من كثر ماهويتك

كن العيون من النظر عقبك ايتام ..
.. وكني ماريت الا انت من يوم ريتك

وكنك معي وانا فقدتك من اعوام ..
.. مع الخيال القاك كني لقيتك

من صعب وصلك ما تهنيتك احلام ..
.. وان جابتك فزيت شوق ومحيتك

يعني وصالك صعب واهدافي اوهام ..
.. يعني زرعتك للقدر ماجنيتك

صبرك يقولون العرب كل الايام ..
.. يوم عليك ويوم لاجاك جيتك

ويا قلب ياللي ورثك اجروح وآلام ..
.. بليتني ماهو بانا اللي بليتك

ولعتني من عادني في الهوى خام ..
.. واسرفت بي وانا خطامك عطيتك

طعتك وزبدة طاعتك هم وهيام ..
.. مالله كتب لي واستخرت وعصيتك

لوللقلوب اسواق بايع وسوام ..
.. لابدلك وان جيتني ماشريتك

والا انت ياللي جيش عينيك مقدام ..
.. لا اقنعت منك والرجا مارجيتك

كني سجين بين..افراج ..واعدام ..
.. وكنك سجن وانا بنفسي بنيتك

تنبيك عن حالي محاصيل الالهام ..
.. وتخبرك نظراتي نهار التقيتك

عقب الوصال اللي على عين من لام ..
.. قدهو يكفيني عن الوصل صيتك

وقدني الى مريت بالشارع العام ..
.. لديت من ما في الضمير ودعيتك

ادري ان صوتي ماقطع عشرة اقدام ..
.. وادري بي اعود الى من نصيتك

ياشينها يامحني راس الابهام ..
.. ماقدر على شوفك وانا عند بيتك

الاعمار ما تضمن وانا اخاف الاحكام ..
.. ارثيك خاف اودعك ما رثيتك






الله الله



ولعتني من عادني في الهوى خام ..
.. واسرفت بي وانا خطامك عطيتك

طعتك وزبدة طاعتك هم وهيام ..
.. مالله كتب لي واستخرت وعصيتك

لوللقلوب اسواق بايع وسوام ..
.. لابدلك وان جيتني ماشريتك




فجر

صح لسان الشاعر ابن فطيس

وتسلم اخي الرهيف

شكرا للجميع على المرور

تحياتي

حلوة
ابن فطيس سيد الشعراء الان
وبلا مناااااااااااااااافس

صراحه شاعر ماينقال فيه الا الطيب

مبدع كثير

صح لسانك ولسانه
لاهنت

البحار

شكرا على المرور

تحياتي

ولعتني من عادني في الهوى خام ..
.. واسرفت بي وانا خطامك عطيتك

طعتك وزبدة طاعتك هم وهيام ..
.. مالله كتب لي واستخرت وعصيتك

لوللقلوب اسواق بايع وسوام ..
.. لابدلك وان جيتني ماشريتك


وتسلم يمينك على النقل الجميل يالرهيف

الــــــقــــــــلــــب طير" لا دعي للهوى حـــــام
============ ولا انـــت وكـــره مــن كــثــر ما هــويــتـكـ

صح لسان ابن فطيس وصح ذووقك واختيارك ولا خلا ولا عدم
تسلم على هذا الطرح وروعتك كروعة طرحك وابداعك
تقبل مروري

شكراااااااا على المرور

تحياتي