ミ☆ミ ►╔ اعماق مجهوله ╗◄ ミ☆ミ

البارحه يوم كلن نام يا نايف=اخوك ماهوب لا نايم ولا واعي
يحوف قلبه من همومه مية حايف=من غير همٍ قديمٍ بين الاضلاعي
همٍ يزعزع جبال طويق والطايف=مخفيه لي مدةٍ مع باقي اوجاعي
لا شك ماني من غدر الزمن خايف=اعرف دخولي بعدما اعرف مطلاعي
لكن الايام منها خاطري عايف=لو انها تجربة عمر وتمتاعي
يلوفني عن مقاصد خاطري لايف=وامشي مع الدرب وعيوني لمرجاعي
لا عاد تنشد عيوني ويش انا شايف=مافي عيوني يسولف لك عن اوضاعي

غمز لي وقال لي محلوه يا حظ اللـي يحبونـج


غريبه كيف ما يدري عن إحساسي وحبي لـه ؟؟؟


يقول لي كاشخه شعندج؟؟ في قلبي قلـت لعيونـك


سرحت بعيد ونادآنـي وأنـا والله فكـري لـه...


سألني منهو محبوبج؟؟ وقالي شفتـه بعيونـج !


فرحت وقلت له إحلف قأل أمزح ..عزتـي لـه


حسبت إنه درآ عني هقيته قـال لـي عونـج ..


طلع ما يدري شالموضوع وأنآ ألمح وأنآدي له ...


سألته: قلت له بسألك ..من اللي عايش بكونـك


من اللي تحبه ويحبك من اللي تسهـره ليلـه ...


بغيته يقول لي إنتـي بغيتـه يقـول مجنونـج ...


ولكـن قـال لـي محد..علـى نيآتـه يحليلـه


ضحكت ضحكت تعأسه.. وقلت له يأ حظ ظنونك


وقال لي لا دخيلج ماني ناقـص هـم وأشيلـه ...


قلت له شوف حولك يمكن تشوف اللي يحبونك..


تلفت.. قال لي محد.. وأنا اللي قاعدهـ أشكي لـه

أهواك انــا ولا حــد غـيــرك فـتـنّــي
لـك صـادق الإحـسـاس والـعـمـر يـفــداك

أهـواك يــا سـاكــن بـفـكــري وظـنِّــي
طـيـفـك يـشـاغـلـنـي وادوِّر عـلـى رْضـاك

ودي أشوفك وألامس أياديك
وأحكيلك عن قلب ماليه بغلاتك


ودي تنادي ياحبيبي وألبيك
ودي أجيلك وأنت في منامك


وأقولك ياحبيبي أنا إللي أبيك
أنا إللي فضل جنتك وعشق نارك


ياحبيبي والله ودي أحاكيك
وأقولك إني أموت بترابك


وودي ياحبيبي إني أوصيك
على قلبي إللي متابع أخبارك


ودي قبل لا أموت ياحياتي وأخليك
متمتع بدنياك مع هلك وأحبابك


على دفنتي ودي إني أوصيك
ودي إنها تكون عند بابك


لجل تمشي على تراب قلبي برجليك
وأقوم أنا وأقبل ترابك


صدقني ماشفت إنسان يجاريك
لابذوقك ولا إحساسك ولا جمالك


ودي أسمعك تقول أحبك أبيك
أبي أكون بدنيتك فارس أحلامك


بس دامك بدنيتي رفضت إني أجيك
إسمع هالكلام وخله في بالك


أرجوك على دفنتي ماوصيك
أرجوك خلها تكون عند بابك


قبل الختام ودي أراضيك
بس المشكله أجهل زعلك من مرضاتك


خليتني تايه الله يجازيك
خليتني شاعر يكتب ويرسل لعنوانك

ياحسرتي على وقت مضى ماعرفتك فيه
ياعبرتي قوليلي كيف اوصفه ووفيه
ويافـرحتي لوقـدرت اسعده واهنيـه
لوبغيته وناديته صدقوني بــــلاقيه

يحس فيني من غير مااشتكـيـــــه
ودي ارمي همومي بصدره بس والله عنده الي يكفيه
يصعب علي لاسمعته يتنهد بس وايش بأيدي واسويه
لايشتكيلي ولا انا اقدر اخليه
اتحمل واتحمل بس لجل ارضيه
ماودي اضايقه لوطلبته يقولي اشفيه

لوبيدي اجمع سعادة الكون واهديه
للحبيب الي على ايده تعلمت الوفى ليه
بكثر غيباته عني يزيد شوقي وهيامي فيه
ودي اعاتبه لازعلت عليه بس الشاهد الله
لاشوفته اوسمعته ماقدر الا ابتسم ليه

احبه واحبه واحبه واحبه
بس كيف اعبرله عن صادق الحب الرفيع
يااااويل قلبي لوغاب وماقدرت الآقيه
وبونتي لوسمعته يقول ا لآآآآه وماقدر اجيه

صدقوني هو حبيبي ودي اوصفه بس اغار عليه
اغار عليه من كلماتي الي كتبتها فيه
اغار عليه لوسمعت احد يناديه
اغار عليه لوانشغل عني وفيه
اغار عليه من روحي الي ودها تسعده وتهنيه


ويريته يسامحني لو قرأ كلماتي الي كتبتها فيه
ماوفيته وهو يستاهل كل الحب الي بيه بوفيه

أبـي أضمك { ضمـه }عقبهـأإ الموت..


أبي نهـأإيـة دنيتي يوم "أضمــــــك "

أعذرني هذا الهواء يجبر على رفع الصوت..
أيـــه نعـــم هذي المشاعر تقــول { أحبـك }..






ضمتـــك لي "أغلــــى"من الذهـب والياقوت..
ودي تغمـرني بحنـــــــــــــــــانك وعطفــــك..

يالغالي اللي من غيــــــــــرهـ أمـــــــوت ..
أيــــه " ضمنــي "حيــــل خلنـي احيــــا بك..





سمعنـي أحلـــى كلآم الحب بعالي الصوت..
خـــل العالم تدري باللي بينــي وبينـك ..





حسسني بحبك اللي صار لقلــــــــبي قوت..
وخلني أعيشـــه واشوفــه "بحضنــك "





لآ تبعــد عنــي وتخليني في تـــابــوت..
أخــاف ضلوعٍ ـي تعطش بلآ"ضمــــــاتك "..





واكبـر دليـــــل أنــــــــي أحبك مـــــــوت..
شـــوقي لـــك بغيـــــابك وحتى بــوجودك..





و ودي اضمــــك واقـول أحبــك بعدهـا اموت..
ابــي نهــايـة دنيتي يـــــــــــوم {أضمــــــــك }..

ما أجمـل أن تجــد شخــصا
إذا نظـرت إليه
♥ شــعر بك ♥
...و إذا إشتكيت إليه
♥ خفـف همك ♥
... ... و إذا تهت
♥ أرشـدك ♥
و إذا بكيت
♥ مسـح دموعـك ♥
و إذا إحترمته
♥ قـدرك♥
و إذا غبـت عنه
♥ قلق عليك♥
وإذا احتجـت اليه
♥ تجــده بجانبك

لا تقول اني ذكرت .. ولا تقـول انـي نسيـــت

كيف يعني يذكرك ... انسان لحظـه مانســـاك

ادري اني صدق احبك .. وادري انك مادريـت

اني حتى ضد نفسي ... صـرت ياعمـري معـــاك

لو اقول اشكثر احبك ! ما تصدق لـو حكيـــت

داااام حبي فـووق والله مستـواي ومستـــواك

(كل حرف ٍ لك كتبت ) و (كل حرف ٍ لي قريت)

(في شي ٍ من عــناي) و(فيه شي ٍ من غـــلاك)

في غيابك ... ياحبيبي ياكثـر ماقلـت لييـــت

وياكثر ما قيييل عني في غيابـك وش بــــلاك

مو مهم اللي جــرى لي... المهم انك رضيــت

دام يزعلني زعلّك ... ودام يرضينــــي رضـــاك

انت دمع ٍ في عيـــوني .. مابكيتـه لـو بكيـــت

وانت كل اللي كتبته ... وانا بــس اللـي قــراك

وانت درب ٍ من بــــديته فـي حياتـي منتهيــت

وانت تعني لـي بهالديـــــــنـا نجاتـي والهــــلاك

جيتك أتأسف حبيبي .. وأعتـــرف انـي خطيــت

جيتك اسبق لهفة اشواقـي ويسبقنـي غـــلاك

وانا مدري ( شلت قلبي لك ) بعد عمري وجيـيت

والا ( قلبي شالــني لك ) يابعد عـــــمـري وجـاك

جيت اقول ( اني احبك) شفت عينـك استحيــت

في عيونك قدرة الله ... واشهـد أن الله عطـــــــاك

لا تقول انـــي ذكـرت .. ولا تقــــــول انـي نسيـــت

دام قلبـــــــــي ماذكـرك .... ودام قلبـي مانســاك