بني عزيز ... اول مصافحه ..

السلام عليكم ورحمة الله وبركاته


هذي اول مشاركه لي في منتدى ربعي بني عزيز اللي اصر الكثير منهم على دخولي هذا الصرح الشاااااامخ .....
يشكر كل من قاااام على تدشينه ..... وخترت هذه المتواضعه لتكون اول مصااافحه

كمااااا اشكر الاخ سهيل اليمااااني على تنزيل بعض من قصاااااائدي واشكر كل عضووو دعاااااااني واصر على مشاااركتي

العمر مره والرياجيل وقفات = وكلن يموت وفعله اللي بقاله
من يعمل السيات يجزى بسيات = والصيت لصحاب الوفاء والشكاله
ماماتو الشعار والشعر مامات = يبقون لايوم النشور وهواله
وانا هينا وقت اللقاء والمهمات = سيفن يقصبه العظام الجلاله
وضلعن تحت ضله ضلال وسلامات = وبحرن مايغرف بالدلي والمحاله
ونصار فالدعوى قبايل وفزعات = اخير من كل السلايل سلاله
تسوالها فوق البسيطه سلالات = مافوقها الا الله وهيبة جلاله
اللي قتل شر الفتن والنزاعات = انبايعه ونبايع اصغر عياله
ربعي بني عزيز ستر العفيفات = وعون الدريك الليا تراخت حباله
لهم من المجد التليد الرفيعات = ولهم من الساس العريق الاصاله
وشيوخ ففسوح الحجاز الوسيعات = اقل ماينقال عنهم جباله
الصحاب راياتن وبيرق وفزعات = وفرسان غارات ورياجيل قاله
لجيتهم تلقاء البيوت الضليلات = وتلقاء الحفاوه والكرم والجماله
ولحتجتهم مثل السيوف الصقيلات = رجالهم يسوى قبيله لحاله
على النداء يردون حوض المنيات = ورد الضوامي فوق صوت المحاله
رح قول للي ينطحون السراوات = واللي يغرفون البحر بالبياله
تبقون مثل الارض تحت السماوات = ونبقى سوات اللي أميل عقاله
بمره وتوقيعه اتم القرارات = وتلغى وكاله وتجدد وكاله
ضيقو وطقو روسكم في أبنات = لين الندم يمطرعليكم خياله
حنى خلقنا الله عذاب الاصيلات = كان الضفر له قوم حنا رجاله
الصحابنا تنعم بخير ومسرات = وعدونا ييسلب حلاله وماله
بحرن يعود فالبحور الغزيرات = وجلالتن في حكم هيبة جلاله
حنى مطير اهل الفعول المسمات = من بحر جده للكويت وشماله
ميقافنا يثني بيارق ورايات = ويوقف اللي ماوقف عند جاله
امجادنا ربي خلقها لنا آيات = عن باقي العالم شعار ودلاله
اللي خلق خلقه خلقهم مقامات = ولاخص فيها الا نبيه واله

اخووكم الشاااااعر :: عيد عواض العزيزي

ربعي بني عزيز ستر العفيفات وعون الدريك الليا تراخت حباله

الله يحييك ياأبن عواض وأنت بين ربعك وجماعتك والمنتدى منتداك والمساحات لك ولاتحرمنا من طلتك ومشاركاتك لان المنتدى محتاج وقفت مثلك وشرواك
والله يحييك

ربعي بني عزيز ستر العفيفات ***وعون الدريك الليا تراخت حباله



صح لسانك يالشاعر

يامرحبا ترحيب فـــي كل الاوقات
بالشاعر اللي لاصخر قــاف قـالـه

تسلم يابن عواض راعي الجزيلات
انشهدن ياعيــــد جبــت الجـــــزاله

اخوك الليث

الله يحيك ياابو عواض بيننا ومرحبا وسهلا


وصح لسانكـ وسلمت يمنك ع القصيدة الرائعه ..

الله يحيك ياابو عواض بيننا ومرحبا وسهلا


وصح لسانكـ وسلمت يمنك ع القصيدة الرائعه ..

الاخ الشاعر عيد العزيزي

والله وسبعة انعام فيك وفي بني عزيز كافه انت شاعر جزل ولكن فيه اخطاء املائيه في النص الرجاء تعديلها ولك تحيتي

مرحبابك يا اخ عيد في منتدى ربعكـ
اسعدنا تواجدك بيننا

صح الله ابدااااانكم جميعاااا


ااالله لايهييينكم ع المـــــرور

ويسعــــــدني توواجدكم