ديوان عبدالله بن هلال ابن صعير العزيزي

ويابعد دارك لابغيتك علي بعيد
وبسافر لك ولاعاد لي بالسفر شده

ومن كثر كبتي للمشاعر علي تهديد
واقاوم وصابر بس صبري وصل حده

نقاوم زمنا ماوصلنا لشئ مفيد
نشد الحبل لا ارخا ونرخي ليا شده

تواعدني وتكد وعود الوصل تاكيد
وتفأجني ظروفك بهجمات مرتده

واعذرك واجدد لك وعود الغلا تجديد
اقول الزمن له وقفتن ضدي وضده

واعد الشهر واراقب الوقت بالتحديد
ليا فات هذا وابتدا الثاني اعده

وربوع وخميس وجمعه الشوق بي يزيد
ولا أمل ولا أشك بالهجر والصده

ياليت الزمان اللي وضع عن وصالك قيد
يحله ويعلن عتقنا عقب هالمده

لكن دام ماجادت بوصلك ليال العيد
عساها تجيبك عطلة الصيف في جده

يابعد الرياض ليا بغيتك علي بعيد
وبسافر لك ولا عاد لي بالسفر شده