تقديم مباراة الهلال و الغرافه القطري - اياب دوري ابطال اسيا 2010

مباراة الذهاب كانت يدينا على قلوبنا من الروعه لان كنا نعاني من اصابات فجأه قبل المباراة وكملها رادوي ببداية الشوط والخلع اللي جاه





الشوط الاول كان نوعاً ما مقبول على انه مو مستوى الهلال وعلى انه لاعبين الغرافه يتراقصون من الروعه من الجمهور واصواتهم
ومدافعينهم لكن قدرنا نسجل فيه هدف من الشلهوب عقب طلعت رادوي على طول وشوي تططمنا وهجدنا لان طلعت رادوي وقتها غلط ببداية المباراه وكنا معتمدين عليه كثيير من النقص اللي حاصل وطلع لنا الغنام بعد الاصابه وقدّم مستوى يحسب له كونه بعد اصابه وكون المدرب فاجئه ودخله


لكن الفرص الفرص الفرص كانت بالهبل ياسر كم فرصه راحت من عنده يمديه يسجل بالراحه والفريدي وهجمته اللي كان يحسبها تسلل تغبن



الشوط الثاني اداء اللاعبين كان فيه تناغم بينهم وهدوء باللعب لكن الله يصلحهم مكثرين تمرير من الدفاع لحسن ومن حسن للدفاع شوي تروع هالحركه اتخيل حسن يتحمس ويطلع بزياده الرجال ,وسرى الليل يابو ثلاثه





كان من اللاعبين المميزين بالمباراة اللي فاتت ابدع لنا بمبارة الاربعاء تهديف..تمرير..مراوغه ..واهم شيء الهدف اللي ريّحنا ببداية المباراه
ننتظر منه الاربعاء الجاي مستوى وتهديف






ماتخلو مباراه من حواق لكنه قدّم مستوى يحسب له نامي ولازم نشيد فيه الله يتمم عليه ولايصير المدح عكسي