قصيده نادره وقديمه للمك فهد بن عبدالعزيز رحمه الله

بسم الله الرحمن الرحيم



قصيدة خادم الحرمين الشريفين الملك\فهد بن عبدالعزيز رحمه الله عندما كان مريضاً في لندن في شهر شوال من عام 1385هجري حيث بعثها الى المرحوم الأمير فهد بن سعد يشكو فيها قساوة المرض ..


يابو سعد صارت على اخوك غارات
شهرين اقاسي مـن شديـد الغرابيـل

سو المرض يحمل على اخوك حملات
مافي يدي حيله ولا في يـدي حيـل

والله فزع من فوق سبـع السمـاوات
وانا احمد الله يوم صـارت تساهيـل

ماينفع الخايـف والايـام عجـلات
الخوف ماينفـع ولا القـول والقيـل

حنا هل العوجـا ولا بـه مـروات
شرب المصايب مثل شرب الفناجيـل

لاشك انا مشغول في كـل الاوقـات
على الـذي حنـا بظلـه رجاجيـل

ماني على نفسـي كثيـر الحسافـات
لاسلم راسه روسنـا رفـاع بالحيـل

حامـي حمانـا بالليالـي المخيفـات
لو صـار بالعالـم كثيـر الزلايـل

فخر العروبـه بالعـدل والمسـاوات
هذاك هو فيصـل ولا فيـه تشكيـل

يشهد له اللـي شاهـدوا منـه ليـات
ويشهد له التاريخ جيـل بعـد جيـل
***************************************
فأجابه الأمير \ فهد بن سعد رحمه الله بهذه القصيده :

يامرحبـا بكتـاب زبـن المـخـلات
اهـلا هلابـه عـد وبـل الهماليـل

حمـدت مـن زال الكـدر بالمسـرات
فكاك مـن صكـت عليـه المحابيـل

فـزع لـك اللـي عالـم بالخفـيـات
مبري جروح ايوب غيـث المراميـل

لعل مايزعج علـى فقـدك اصـوات
ولعلهـا لـك يابـو فيصـل تماهيـل

الله يجيرك مـن صواديـف الافـات
عسـاك تسلـم ياعشيـر المشاكـيـل

ماانت برخيـص ياربيـع القرابـات
لو هي بالايدي كان دونـك حلاحيـل

ترا لنا بـك يافتـى الجـود هقـوات
في وقتنا الحاضـر وباللـي مقابيـل

يفـداك ربـع قصـروا بالمهـمـات
اللي علـى القـالات ماتنطـح الشيـل

بعض العرب حي ومن عرض الاموات
مايرتجـي نفعـه بحـل المشاكـيـل

وفيصـل ذرانـا بالسنيـن المخيفـات
هو درعنا الضافي الى ضدنـا الميـل

اللـي نقـل عنـا حمـول ثقـيـلات
راس الحصيـل ان كملـن الحصيـل

***منقول

الله يرحمه ويغفر له ولأموات المسلمين جميعا

تسلم اخي السفير

ماينفع الخايـف والايـام عجـلات
الخوف ماينفـع ولا القـول والقيـل

حنا هل العوجـا ولا بـه مـروات
شرب المصايب مثل شرب الفناجيـل

ترا لنا بـك يافتـى الجـود هقـوات
في وقتنا الحاضـر وباللـي مقابيـل

يفـداك ربـع قصـروا بالمهـمـات
اللي علـى القـالات ماتنطـح الشيـل




تسلم يمينك أخي السفير على الطرح والإختيار الراقي



ا

العزيزي المغترب

عاشق هـبــاء


اشكركم على مروووركم

الرائع بمتصفحي

الله يرحمة ويعفي عنة

قصيدة جزلة تسلم علي هذا النقل

تقبل مروري

حنا هل العوجـا ولا بـه مـروات
شرب المصايب مثل شرب الفناجيـل

مشكور يالسفير الله يرحم فهد العروبه

رحمك الله ياابا فيصل رحمة واسعه وجميع اموات المسلمين

فقد كان سياسي من الطراز الاول

وأطال الله بعمر ملك القلوب أبو متعب امين يارب

سلمت يمينك علي النقل الطيب

ايه السفير المميز

ورحم الله ابو فيصل ويشهد الله ان له منزله خاصة

ومثل ما ذكر الشاعر رشيد

والله احـبـه حــب مـخـلـص ومـشـتـاق=واحـــــب حــتـــى صــورتـــه بـالـمـجـلـه


واهل الحسد ماهم على باب الارزاق=رزقـي علـى اللـي كــون الـكـون كـلـه


وحـنـا سعـوديـيـن يـــا طـــاق طـربــاق=احـــــرار مـاعـشــنــا بـعـيــشــة مـــذلـــه


رجالنـا لـو هـو علـى مكـسـر الـسـاق=حـــب الـكـرامـه والــوفــاء عــــادةً لــــه

فصح لسان ابو جميل ورحم الله ابو فيصل

واطال الله بعمر ملك قلب الإنسانية

شكرا لك اخوي السفير مرتا اخرى

تسلم اخوي السفير على النقل الرائع

الله يرحم الملك فهد ويجعل قبره ورض من رياض الجنة "زعيم العرب" ونشكر الاخ على الطرح المميز