الخيانه

من بعد ما كنت احسبنّي نسيتك
مدري اشجابك على البال وذكرتك ؟؟
ولا وعيت إلاّ وانا قدّام بيتك !!
ماتقول انّي قبل مدة هجرتك ؟!
ذا مكاني .. لاغفى الليل وسريتك
شف ّ كم لي .. ما سريت ولا سهرتك ؟
وذا مكانك .. لا تضايقت وجفيتك
وشف ّ كم لك .. ماترجّيت وعذرتك ؟
وذا مكان قلوبنا .. لحظة هويتك
فيه عمري اختصرته واختصرتك
واقف .. وكنّي من احزاني بنيتك
(جسر) .. مابين الزمانين وعبرتك !!
آتذكّر .. وش خذيت ووش عطيتك
يوم كنت انقاض وبحبي عمرتك
وآتذكّر .. ساعة انهوك وبديتك
كيف بجروحي عن جروحي سترتك !!
وكيف بعت احلام عمري واشتريتك
وكيف كنت اشنع هزيمة وانتصرتك
وكيف كنت الملح ..لكني رويتك !!
وكيف كنت الزيف .. لكني ذخرتك !!
ادري اني جد ّ.. من قلبي بغيتك
وادري انّي رغم كل هذا خسرتك
انتظرتك .. ( عمر ) حتى اني لقيتك
والقهر مدري على ويش .. انتظرتك !!
كنت احبك .. كنت !! لكني سليتك
وما بقى سلمته الريح ونثرتك
وانت لاا تزعل اليا مني رثيتك
بعد ما خنت وتوفيت وقبرتك !!
والله اني .. لاحزنت ولا بكيتك
مثل ما عمّرتك بقلبي دمرتك
بس تدري ليش عقب غياب جيتك ؟
واهتدت رجلي على بيتك وزرتك؟؟
بشكرك .. على آخر طعونك فديتك
ليلة فراقك .. نسيت !! وما شكرتك !!

ادري اني جد ّ.. من قلبي بغيتك
وادري انّي رغم كل هذا خسرتك


كم انتي جميله يااحساس الورد فمواضيعك تأتي في وقتها دائما

بس تدري ليش عقب غياب جيتك ؟
واهتدت رجلي على بيتك وزرتك؟؟
بشكرك .. على آخر طعونك فديتك
ليلة فراقك .. نسيت !! وما شكرتك !!


سلمت علي هذا النقل لاتحرمنا جديدك

كيف بجروحي عن جروحي سترتك !!
وكيف بعت احلام عمري واشتريتك
وكيف كنت اشنع هزيمة وانتصرتك
وكيف كنت الملح ..لكني رويتك !!
طرح رائع سلمت اناملك ويعطيك العافية

نقل رائع أحساس والله يعطيك العافية

وتقبل مروري

كنت احبك .. كنت !! لكني سليتك
وما بقى سلمته الريح ونثرتك

كلام رائع وجميل
وجبتيها على الجرح
اشكرك على الذائقة التي في خاطرك

مشكور والله يعطيك العافيه