ماكل من يركب على الخيل خيال

ماكل من يركب على الخيل خيال

ولا كل خيل تعجبك هي أصيـله

ولاكل من يعجبك هرجه برجال

بعض العرب ملسون وايده بخيله

الكل يلبس ثوب وشماغ وعقال

وعند اللزوم افعالهم هي قليـله

الرجل تثبت له أقاويل بافعال

لاقال شئ ونفذه هو دلـيله

والرجل لاشفته مع القيل والقـــال

ابعد عنه هذا صفاته عليــله

والكذب خله عنك مافاد لو طال

قول الصدق ياصاح غنم وجميـله

وخلك شجاع وذي صفات للابطال

اللي كما سيوف تبارق سليـله

واللي شراك اشريه لو كان بالمال

خلك معه وان مــــــال دور بديله

واصبر ترى الدنيا تبدل بها أحوال

وما كل شئ صافي تشـــــوفه تجيله

وبعد الكدر تشرب صفا عذب وزلال

هذا الزمن فيه استــــقامه وميله

وصاحب خليل لو جفـا الوقت مامال

ترى الرجل يعرف بقيمة خليـله

واقفل على سرك بكتمان واقفال

بعض العرب يسمع و ينوي بحيله

وخلك أمين إذا توليت الأعمال

من خان في يوم الحشر يا حليله

خل التواضع فيك واضح بالافعال

ترى الكبر يردي بيوم وليـله

ولاتحسد اللي عنده اموال وعيال

وش ينفعك لو كان حـــسدك يزيله

ولاتزور تقلب الزين بطـال

الله عليم بالنوايا الدخـيله

وخلك رزين ترى المخفه للاطفال

واصفح عن المخـــــطي ولو زاد قيله

واحمل همومك لو تزن وزن آلآثقال

بكره تروح وتنجلي لوثقـيله

وصل الفروض ولاتنسيك آلآشغال

محدن في الدنيـــــا درى وش بقي له

وزور آلآقارب للرحم كون وصـــــال

وخلك عظيم الشان وسط القـبيله

وصلاة ربي عد ماهل همـــــــــــــال

على النبي اللي صفـــــاته جليله

راق لي هذاا البيت::
واللي شراك اشريه لو كان بالمال

خلك معه وان مــــــال دور بديله

تسلم أناملك ع هالنقل المميز::
بنت االصمااان,,,

راق لي البيت هذا

طرح مميز وله من الاسقاطات الشي الكثير

كعادتك مبدع استاذي وشهادتي بك مجروحه


فجر

وصل الفروض ولاتنسيك آلآشغال

محدن في الدنيـــــا درى وش بقي له

والمغترب كاتب وناقد في الأقوال

يكفيك نقله والمعاني جميله

والله يعطيك العافية دائم متميز

وتقبل مروري

ماكل من يركب على الخيل خيال

ولا كل خيل تعجبك هي أصيـله
مشكووووووووووووووور على المشاركة
يعطيك العافية

اسعدني مروركم الرائع والعطر

الله يعطيكم العافيه

مشكور على الطرح المتميز والرائع

للأمانه القصيده كل حرف فيها اعجبني ووهي كافيه لنصح أي شاب

فالف شكر لك يالمغترب

وخلك رزين ترى المخفه للاطفال

واصفح عن المخـــــطي ولو زاد قيله

العزيزي المغترب
اشكرك على النقل الراقي

سحاب

اخي ابوفالح
اخي عاشق هبا
اخي سحاب

كم اسعدني مروركم العطر والجميل

الله يعطيكم العافية