قصيده للشـــاعر عــقاب مـزيد الرهـيف

05-02-2009, 03:14 AM

اخواني اعضاء المنتدى السلام عليكم ورحمة الله وبركاته

تلبيه لدعوة اخي الوايلي بالمشاركه في المنتدى

اقدم لكم اول مشاركه لي وهي قصيده لأخـي عقاب وسوف اوافيكم بقصائد الوالد بعد أخذ الأذن منه.

عنــــــــــــان الحــــــروف

كل ما جر النفس والصوت من صدري أعيده

كن هاجوسي يهون عقب ما كان يحداني

هم قلبي لا جذبت الصوت هوّن من وعيده

راحت أحزابه شتات وعاد لي أحلى أماني

والدموع ودم قلبي لا تضايق في وريده

والهموم الشيب لا ذعذع هواها في مكاني

ما قدرت أرجع ورأي ولا قدرت أروح سيده

والله أن القاع أشوفة في رفاع وفي طماني

ضيقتي ما هي بحي الله على قلبي شديده

أعرف اللي هز قلبي والهجوس اللي كواني

الهنوف اللي صخر قلبي وصخر له قصيده

وإن طرقني بالمنام الصدر تطرقه المعاني

من وراء قلبي بحور الشعر في عشقه عنيده

يشهد الله لا صفقني موجها كنه غشاني

عجلت زفرات صدري لين أطوعها عبيده

أطلق عنان الحروف بجو من حبه بلاني

عقب ما سرجها مغيرات القصايد فوق بيده

القوافي خاضعه لعيون وضاح الثماني

غير شعري فيه وجروحي له أمجاداً تليده

القصور الشامخات النيف وأسواره كياني

يسعد الله من سقاني من ثناياه الفريده

يوم ريقي جف بله والضماء قبله طواني

ويسقي الله من يزيح الشال عن خده وجيده

أذكره زاح اللثام وطشت مع طيشٍ خذاني

شوف عيني والنحر وضاح كنه يوم عيده

يوم ضيق صدر سلسال الذهب خلاه داني

تصبح سنين الجواهر مع محاسنها زهيده

كل غالي ينهدم عزه على سيد الغواني

ويا رعى الله عمر مياسه وريانه وغيده

لا تتثنى عوده المياس ضيعته وجاني

جاني بطيش العيون وصرت لعيونه وليده

وإن ضحك لي قلت له لبيه يا رمشٍ دعاني

سامح الله من خذا قلبي بكفينه وبيده

يـــــــــــــــوم ودعني بثلث الليل توديـعه طغاني

ما قويت فراق من قلبي وحبي صار ميده

أتجرع قمطرير الــــبين كم كاسه سقاني

ما سليت أفراقها وأفراق الأيام المجيده

وكم ذكرته في ظـــــــلام الليل ما حولي مباني

حطمتني بالغياب وصارت أفكاري بليده

ما غفت عيـــــني من غيابه ولا نامت ثواني

ويوم طال البعد من دونه وأنا أيامي جديده

استخرت الله لعين الترف ولا العمر فاني

ما حداني بعدها حشمه هوى قلبي وسيده

ترخص الدنيا بعيني لجل شوفه في زماني

ويوم جيت البيت خالي يا عسى الله لا يعيده

موقفٍ عشته حزين وبان عجزي يوم باني

ولا أنا قفيت عن بابه ولكن جيت جيده

قمت أفيض دمعتي والحب سلطانه رماني

تشهد الورقاء على نوحي على خضر الجريده

يوم لديت النظر لبوابها قلبي عصاني

لين رجعني غلاه لبابها جبت الـــــــــــــشريده

من دموع العين والحسرات للي منه أعاني

طاحـــت الدمعة على بابـه غلا والله يزيده

عقبها قفيت بحزاني وشلت اللي دهاني

شاطي أبحر من بعدها ليه أجيه وليه أريده

خايف أشاهد من الأطلال مالي فيه شاني

ولا أنا ما أنساه لو الهجر هقواته بعيده

جلعني فدوه جفاها والعذاب اللي لواني

الشاعر / عقاب مزيد الرهيف