العين تبصر والايادي قصيره

البارحه ياصاحبـي تالـي الليـل =
=مـرت هواجيسـاً عليـه خطيـره
اخفف الوزنه مبـي ميلـة الكيـل =
=كله لجل مابيـح بـاق السريـره
افكار جتني كنها جـارف السيـل =
=وتقول للتاريـخ سيرتـك سيـره
ياقـاري التاريـخ اقـره بتحليـل=
=واقرى الخبـر فالأولـه والاخيـره
اقره عن الاسلام مجمل وتفصيـل=
=وشف انقلاب الوقت شف المعيـره
في ماضي الاعوام في ماضي الجيل=
=كان الرجال اهل التقى والبصيـره
كانت تحث اركابها تتعـب الخيـل=
=وترفع شعار الدين في كـل ديـره
لسانهـم يقـول ياسامـع القيـل =
=النصـر سيفـاً مايـرد بجفـيـره
النصر سيفاً من سيوفـاً مصاقيـل=
=ولاهو بمعطـى الا لناسـاً خبيـره
امثال خالـد والمثنـى الحلاحيـل =
=وسلمان وابن العاص وابن المغيره
وامثالهم من كمل الفتـح تكميـل=
=محمـد الفاتـح وطـارق وغيـره
وجاهم صلاح الدين عقب البهاذيل=
=وهزم جيوش الكفر لوهـي كبيـره
قوماً ليا شـف العـدو جومقابيـل =
=دينه صحيح ولايعـرف الكسيـره
نيه صحيحه تنشر الديـن وتزيـل =
=تزيل رؤس الكفر لوهـي صغيـره
وان كان تسال عن سلاح الرياجيل=
=((الله اكبر ))هـي كـل الذخيـره
ودستورهم بكتاب ماهـو بتضليـل =
=قـران محكـم للعقـول المنيـره
والله ماناصـل لذيـك المواصيـل=
=لأنهـا اليومـه علينـا عسـيـره
عدونـا ينصـب لنـا فالمحابيـل =
=ويرمي على الاسلام نار السعيـره
يقول ان الوضـع يحتـاج تبديـل =
=ويسعى لكسب اهل النفوس الحقيره
لابه قوى لنـا ولابـه لنـا حيـل =
=(العين تبصر والايـادي قصيـره )
اقولهـا وانـا اخيـل المخايـيـل =
=وكـلاً يعبـر مابداخـل ضميـره

ابراهيم صبحي العضيله

صح لسانك يا المبدع

وبيض الله وجهك

ما مليت من قرائتها


تقبل مروري



أحمد الوصلي

صح لسانك

وبيض الله وجهك

بارك الله فيك

ماشاء الله
قصيدة جميلة
صح لسانك
اعجبني البيت
ياقـاري التاريـخ اقـره بتحليـل
واقرى الخبـر فالأولـه والاخيـره
اخوك ماجد

صح لسانك

وبيض الله وجهك

بارك الله فيك

أبراهيم العضيلة
صح لسانك مدد بلا عدد
هنا الشعر هنا صوت الصحوة
هنا تنفست صدورنا الصعداء
هنا أحسسنا أن الدنيا مازالت بخير
مادام بها أمثالك
رسالة جوهرية وأبداع لانهاية له
لاأملك ألا أن أقول:
بيض الله وجهك
وجزاك الله خيرا

تقبل مروري المتواضع أمام هذه الشامخة
تقديري

ابراهيم


صح السانك

قصيدة جزله

تقبل مروري

الأخ ابراهيــــــــــــــــــم

صــــــــــــــــــــح لســــــــــــــــــانك

قصيده رائـــعــــــــــــــــــــه بالفعــــــــــــــــــــل

إلـى ألأمــــــــــــــــــــــــــــــا م

صح لسانك يا ابراهيم


قصيده جززله


ونطلب المزيد من الابداع

يعطيك العافية علي طرحك الراقي
صح لسانك يا المبدع

وبيض الله وجهك

لكم مني خالص الود