من أجمل ماكتب دايــم السيــف -

كل يعـود لاصـل جـــــده ومربـاه
راعي الشرف يشرف والانذال يهبون
الفرع من عـوده شرابـه ومسقـاه
والحنظله مره ولو تشـرب مـزون
الطيب كايد ميـر المناعيـر تقـواه
...والهون هين تدنـع النفـس وتهـون
ناس على كسب المراجـل مضـراه
وناس على كسب الفشيله يضـرون
هذا على وضح النقـا كـل ممشـاه
وهذا الى شافـوه ربعـه يصـدون
لاتامن الخوان لـو زخـرف حكـاه
من خان بك مره يبي باكـر يخـون
وافطن ترى زول الرجاجيل تـواه.
كم واحد يعجبك زولـه وهـو دون
ياطيب الشارات مـن يـوم منشـاه
احذر عدوك لايغدرك علـى هـون
ترى عـدوك غايتـه فيـك ومنـاه
يزرع فصدرك من قنا رمحه طعون
واللي رضـع لبـوة عـدوك توقـاه
الجرو ولـد اللبـوة اللـي تعرفـون
للطّيـر يالصقّـار بالرّيـش مغـواه
الجاهل الى باكثر الريـش مفتـون
للحٌـر والشّبـوط ماكَـر ومجنـاه
والفرق بالافعـال لوهـم يطيـرون..!!!