لاتنشغل

السلام عليكم ورحمة الله وبركاته

كيف الحال ..؟

هذه قصيده اعجبتني للشاعر / متعب التركي

واتمنى ان تنال الجزء اليسير من اعجابكم

اترككم مع الرائعه ...


لاتنشغل فيني انا بحالي أدرى
قلبٍٍ تعلّق فيك ينسى مع الوقت ..؟
أكثر من اللي صار لي ويش يجرى
بين الرجا والياس شفني تعلّقت ..؟
مثلي ولو شفته عن همومه أزرى
ماقال ليتك في جروحه ترافقت ..
هاك القصايد ولاتضايقت اقرى
شف وشكثر فيها لبسماتك اشتقت ..؟
أثر الوفا ينباع عندك ويشرى
ماكنت أصدق فيك واليوم صدقت .!!
يامشتهي فرقا المواليف حذرى
تبعد وانا من سكرة الحب مافقت .؟؟
لاطافت الفرصه تحريت الاخرى
وتروح ماكني عليها تشوقت ....
ساري لو ان الليل مافيه قمرى
اشيل من حمل الهوى فوق ماطقت !!
لاصار حظ اقشر والايام قشرى
مافيه احد عاقل يلومك اليا ضقت ؟؟
صحيح بعض الناس فرقاه بشرى
وبعض البشر لاغاب ليله تضايقت .!!
ليتك خذيت بليل الاحباب مسرى
غربت من كثر الطواري وشرقت ..؟
السيل يبقا له على القاع مجرى
ويبقا لك التذكار لو كنت فارقت ..؟
أشوف لك من وين مارحت ذكرى
ولاشفتها صديت عنها ودنقت .؟
ماكل جرحٍ لاخذا ايام يبرى
بعض الجروح يزيد شرهه مع الوقت ..!!!

وسلامتكم


المايستروووو

يامشتهي فرقا المواليف حذرىتبعد وانا من سكرة الحب مافقت .؟؟
شكرآ اخي الفاضل الميسترو
على النقل الرائع المميز صح السان الشاعر
تم النشر على تويتر
https://twitter.com/beni_aziz
تم النشر على الفسبوك
http://www.facebook.com/profile.php?...50&ref=tn_tnmn

اخي الماسترو
ذايقه شعريه راقت لي
سلم نقلك وصح لسان متعب التركي