العزيزي عز

السلام عليكم ورحمة الله وبركاته

مصافحه اولى عساها تنال رضاكم واعجابكم

مزبني يامزبني عزوتي في كل حين=محزمي يامسندي عزتي من كل ذل
افتخر فـ اللابه اللي كما ضلعٍ مكين=مزبن المضيوم في قمته ضيفٍ يحل
سيف مصقولٍ نسله يذل المعتدين=شجرةٍ من نصاها ذرى بردٍ وظل
مجدنا فوق الثريا بنوه الاولين=مجدهم ساس الشجاع وللعليا وصل
محتمين ديارهم في عسر ماهو بلين=لن طمع في حدهم سيفهم جرد وسل
صيتهم كلٍ سمع به طرب للسامعين=كاسبين الطايله كلهم دقٍ وجل
محتوين المرجله من قديمات السنين=شايلين حمولها لانكل ولانمل
للدعاوي ربعنا تحكم بعقلٍ رزين=لانعقد حبل النشايب لها دايم نحل
ذاخرين الطيب والطيب ذخر الطيبين=لانصاهم عابس الوجه يرجع مسفهل
ضيفنا يقلط على عاقرٍ حايل سمين=عقب كيف البن في دلته بهر وزل
العزيزي عز واسمه يعز المعتزين=عزته من عز نفسٍ عزيزه ماتزل
العزيزي فالشدايد كما حصنٍ حصين=للشجاعه والوفاء والشهامه مشتمل
العزيزي منبع الجود وافعاله تبين=مثل عدٍ صافي الماء به الضامي يعل
لو كتبت الفين مااوفي حقوق العارفين=اعتذر لاصار تقصير مني وابتذل
جعل سيل الوسم يدرج ويقفاه الغشين=في مراتع ذودهم كل ماجهى يهل

اخوي منيع الله مصافحه اولى رائعه

قصيده جزله ولاغرابه في جزالة شعرك

وربعنا يستحقون الكثير ومهما نقدم نعتبر مقصرين

صح لسانك يامبدع

الاخ والشاعر الكبير رويضي وسمي شكرًا لك وهذه القصيدة فخر لي قبل كل شيء والقبيلة تستأهل اكثر من قصيدة ولان فيها حقها

اخوي الشاعر منيع الله داخل

لله درك على هذا النص الفاخر اللي يفخر به كل عزيزي

وهذا اقل حقوق القبيله على شعرائها

كفيت ووفيت يالقرم

اخوي الطريس شكرًا لك وانا افتخر بكل من يفتخر بعزوه وتاج راسه. ولك الشكر على ما قدمته لي لكي انضم الى هذا الصرح الشامخ. والشكر موصول لكل من شجعني لكي اكون عضو في هذا المنتدى

يامراحب نور المنتدى شاعر جزل ومعاني يشوش الراس من حسن قولك. يامنيع الله لله درك

اخوي ساري بارك الله فيك والمنتدى منو ر بأهله. وهذا اقل ما اقدمه لعزوتي قبيلة بني عزيز. ومهما قدمت لها من قصائد فلن او فيها حقها ومشكووووور اخووووووي ساري

كفو
صح لسانك لاعدم ولا خلا
وتقبل ارق واعذب التحايا

اخوي الليث صح بدنككككككك. واشكرك على مرور العطر

صح لسااانك يا ابو عادل

قصيدة اقل ما يقال عنها مبهره....

طوعت الحروف وصخرت الجزال واجدت الموضوع لتخرج لنا هذه الفاتنه الرائعه


لله درك


تحيتي لشخصك