تغطية منتدى بني عزيز لحفل زواج طراد الرهيف

السـلام عليكم و رحـمة الله و بركآته
نهني الشآب طرآد بن علي رجآآلله الرهيف بـ منآسبة زوآجه
و نتمنى له التوفيق
حيث اقيمت امسيه بـ حضور منتدى بني عزيز الرسمي و اعضآء المنتدى
و افتتحت الامسيه بأيات من الذكر الحكيـم
مقدم الامسيه الاستآذ برجس سآلم
و تم إلقاء قصيده ترحيبيه لـ لشاعر سليمان بن مرجي الرهيف
بـ عنوآن
حيالله اللي شرفوا حفلة إطراد

حيالله اللي شرفوا حفلة إطــــــــــراد= جونا لحفل إطراد حشمه وتقديــــر
ماحسبوا قرب المسافه والابعـــــــاد=ولا أطرى عليهم عن مجيه معاذير
على الوفا والطيبه دوم معتـــــــــــاد=وقت المواقف ماحسب للمخاسير
ترحيبة(ن) تغني عن الشرب والزاد= مثل الذهب يصرف جنيه ودنانيـــر
للي حضر بالحفل من كل الاجــواد=واللي لشوفتهم نسوق التباشير
حتى القصر بقدومكم نــــــوره إزداد= عن وصفهم يعجز لسان(ن) بتعبير
ونقولك مبروك ياذخر الامجــــــــــــاد=وتقضي حياة العمر من خير لاخير
وتقض الحياه إبخير ماشفت الانكاد=ياطراد ياذخر الرجال المناعيــــــــر
مجد(ن) تليد يعد من عهد الاجداد=فكاكة الاشناب وقت المعاسيــــر
ونشكر جميع إحضورنا عد واعداد=إعداد ناص العد ورد ومصاديــــــر

ثم تقدم الشآعر الوآيلي ممدوح الرهيف بـ شيله ترحيبيه
بـ عنوآن
سلام مني يوم جالي مجالي

سلام مني يوم جالي مجالـــــــــــــــي=أبا تغانم وإتكالي علـــــــــــــــــــى الله
وأقول قافي يوم جوي صفالـــــــــــــــي=قاف(ن) على آلي وقاف(ن) على الله
في ليلة(ن) عندي من أحلي الليالي=حبيت ابارك والمحبه مــــــــــــــن الله
مبروك يابن العم في كل حالـــــــــــي=تستاهل التقدير والشاهــــــــــد الله
أبوك غالي وأنت ياطراد غالـــــــــــــي=هذي حقيقه قلتها يعلــــــــــــم الله
جيتك معك كلي بحالي ومالـــــــــي=مايدوم غير الطيب والدايـــــــــم الله
أخلاق متواضع ولابك تعالــــــــــــــــي=عطيت حب الناس والمعطـــــي الله
عريب منسب من عمام وخوالـــــــي=جدك لفا والجد الاخر رجـــــــــــــالله
و ناسبت رجال(ن) فعوله جزالــــــي=الشيخ مزيد والنعم فيـــــــــــه والله
سلام مني يوم جالي مجالــــــــي=الله يجمعنا على طاعــــــــــــة الله

ثـم القآء الشآعر سمو القآف عبدالرحمن رجآآلله بـ قصيده
بـ عنوآن
يامرحبا ترحيبة الافراح والفال الرشيد

يامرحبا ترحيبة الافراح والفال الرشيـــــــــــد=ترحيبًة فاحت من الخاطر كما فوح الــدلال
فاحت بريح الهيل والجاوي وترجمها القصيد=ترحيبة الغالين بالغالين لاحل المجــــــــال
يامرحبا بالي لفونا من قريب ومن بعيـــــــد=اصحاب واقراب وذخر جد وبني عم وخــوال
ياهل الفعول الطيبه والعرف والراي السديـد=الله يحييكم عدد ماهل همال الخيـــــــــال
الحفل فيكم زاد نوره نور ولسان القصــــــيد=غنى بعال الصوت حيا الله كريمين السبال

ثـم القآْ الشآعر مشآري رجـآآلله قصيده
بـ عنوآن
يامرحبا ترحيبة جزله ومعناها كبير

يامرحبا ترحيبة جزله ومعناها كبيـــر=بالحاضرين اهل الوفا واهل المقام المعتلـي
الله يحييكم ويسعدكم ياعزوتنا مطيــر=والله يجملنا مع اللي حضر حفل ابو علـي
الليله اللي جمعتنا في زمن عمره قصير=الله يديم افراحنا ماغيره الوالي ولــي
ويديم الامن ويحفظ القاده من الشر الشريـــر=في وقت اشوفه يقلي العالم على ناره قلـي
ومبروك ياطراد البناخي ياعسى لك فال خيـــر=عسى السعاده تغمرك في عمرك المستقبلي
واوصيك بالطاعه وذكرالله تسعد بالمسيــر=في سكة الدنيا وتحضى بالمكان الاولـي
هذا بعد هيضني النسناس فالبحر الغزيــر=وماقل دل ومرحبا يامن حضر لأبوعلـــي

ثـم القآء الشآعر بدر الرهيف قصيده
بـ عنوآن
الطيب ساس المرجله وعلوم ذرفين اليمين

الطيب ساس المرجله وعلوم ذرفين اليمين=اقــولها والله عليم المخطيه و مصيبها
انا شعبت القاف واطلقت الرسن للـــغانمين=اوده لقودي صوب حسي ليا نــهــمت يجيبها
انوخ اللي تعجب الوبال واعــــرف الــثــمــيـــن=والهامل اللي ماتجمل فالطلب مالــيــــبــهـا
صعب القوافي يوم اخاطبها من المنطق تـــلين=اشوش فيها بالمشاعر وارتقي مــــــــــــــرقابها
شاعر ولي احساس وابداع مايهيض الســامعين=وليا اعرضت بنت الاصايل قــــلــــت انا خــطابهــا
ياقلب خلك متسمع وابيك بالموقف اتـــبـــيــــن=يــــــــوم الفعايل بينت والكل حث اركــــــابهــــا
ابيك تجلس فالمــــجــــال اللي يبيه الــــطــيبين=واحذرك من طامنات العرف صـــــك ابـــوابهـــــــــا
انا شغفني وصف منهو للمــــــراجـــل محتـــوين=اللي على الكايده وطو ولا حسبو لاحــــــسابها
كلمة نعم تنصى الا منـــهــــز للجميله كـــاسبين=يانود هبي ريحة الطيب تجاه هــــــــــــــــــضابها
ارتاح لامن لقيت اهـــــل الــــوجـــــيه المستحين=ويزين بالي واتمعن كلمــــــــتــــي وخـــطابهــــــا
وصاني ابوي اهذب الدرب واكــــن الـــــونيـــــــــــن=واصبر على صكات بقعا لــــو كشـــــر لي نابـــــها
الله يرحم شايبي عليه هـــــــــــــــجرعت الحنين=من يوم حـــــطــــو جســمــه البارد بوسط اترابــها
ابوي طــــــــــــــــالع سطرن للغوش كعم المعتدين=اوثــــــــق اللي قــــــــــالي ببــــــــــــيوتن تغنابها
قال انــــــــــــتـــــبه مازانت الدنيا على مر السنين=كـــــــــــــــم راس مالي حسب بالدنيا ولا يهنا بها
وابحــــث عن العــز وانت خلك بالمكان المستبين=والذل مــــاهـــــو طبعنا والـــــنـــــار من شــبــابها
وهرج القفا لا تتبعه واترك لحـــــــوم الغـــافــلـــين=واعرض عن اللي باالنمـــايم تستلذ اكذابـــــهـــــا
وسامح على زلات ربعك ربعك الـــدرع الحــــصــين=وان شفت خله بينهم اصلــح وفـــك انــشــــابهــــــا
واركز على اللي ماييخيب لن دعوه الــــمــخـــلصـــين=رباً عــــــــــظـــــــيم يالعطايا مـــــايــــصك ابوابهــــــــا
تم احتسب للموقف اللي شـــــاب مـــــنه المرضعين=ونطــــلب مــــن الرحمن رحمـــــه نرتدي جلــــبابهــــا

ثم القآْ الشآعر بن هلال قصيده
بـ عنوآن
لولا المواقف ماعرفنا الرياجيل

لولا المواقف ماعرفنا الرياجيـــــــــــل=بالهرج ...... كلاً يقنعك في مـــــــرْده
وان كان مابالكشف عندك حلاحيـــل=خل الردي بالقائمـــــــــه لاتعـــــــــده
حظك ياراعيت الرموش المظاليــــــل=محرم وسواق وجليس ومكـــــــــــده
وكل العلوم يجيبها بالتفاصيـــــــــــل=واذا بغيتي شي هاتـــــــــــــــه ووده
ومن غير هذا ماذكر له محاصيــــــــل=الا دفا المرقد وكبـــــــــــر المخـــــــده
ماهو حزام (ن) لليال المقابيــــــــــل=من حيث وجْه جعل مـــــــــــالله يرده
ودًك بمطنوخ (ن) من اقصى اسراييل=ولا ابن عم (ن) لازمك مايســــــــــده

و هذه قصيده مهدآه من الوآيلي إلـى سمو القآف

إن كان لك رجل(ن) تعزه وتغليــــــــه=وله في حنايا الجوف حشمه ومقدار
لازم غلاه تبينه له وتنبيـــــــــــــــــــه=حسب حديث المصطفى سيد الابرار
وانا غلايه لبوعادل واببديـــــــــــــــــــه=نعم(ن)ولازود(ن) على باقي الاخيار
سمعت شطر(ن)راق ليه واغنيــــــه=ودي أقوله يوم نظمت الاشعـــــــــــار
من كثر ما اعزه ومن كثر ما اغليـــــه=نصبت له تمثال في وســـــــــــط دوار

و مآ كآن من سمو القآف إلآ أن قآم بـ اهدائه مشلح ( بشت )

ردآ على قصيدة الوآيلي و يستآهل المآدح و الممدوح
و مقتطفآت من الحفل كمآ القآْء كل من
محمد عــــوض الاسمــــــــــري
عقــــــــــآب الــــــــــرهيـــــــــف
لم تحظرنآ قصآئدهم
كمآء شآرك مــــحـــمـــدالـــرهيــــــــــــــــف
بـ قصيده لـ الشآعر خالد الدوسري

اخوي فخر مطير

نبارك لاخونا طراد علي الرهيف

ونشكرك على نقل القصائد

حقيقه ابدعوا شرائنا وكان قصائدهم رائعه

دامت لكم الافراح وبانتظار الصور

بيض الله اوجيه الشعار ماقصرو قصايد جزله ويستاهل طراد
وحفل مشرف وشكرا اخي فخر مطير على التغطيه والنقل

الف مبروك لاخونا طراد على زواجه ونتمى له حياة زوجيه سعيدة ونشكر المنتدى على التغطية

ابارك لاخوي :

طراد بن علي الرهيف

ونتمنى له حياة سعيده وذريه صالحه

" فخر مطير "

أشكرك من قلبي وارفع لك القبعه
على هالتغطيه

تغطيه شامله ووافيه

تقبل تحياتي الحاره
وتقبل جُل وخالص اشواقي لشخصك الكريم

أخـــــوك :/
: ابن مرهوف :

الف مبروك لاخونا طراد

وبيض الله وجيهكم قصائد رائعه وجميله من شعارنا الكرام

انت فخر لمطير وتبشر ابخير
بك نفتخرفي مناسبات القبيله

الف مبروك ونتمنى للعريس كل التوفيق

الف مبروك لشاب طراد ولك جزيل الشكر اخي فخر مطير

أستاذنك اخوي فخر مطير بتنسيق القصائد لإعجابها بهن
نتقدم بآسمى ايات التهاني والتباريك للعريس طراد الرهيف

وحياة زوجية سعيد ووفقه الله بالدارين
و بارك الله فيك اخوي فخر مطير
وجمع اكثر من رائع لدرر شعراء دائما ما نتغنى بقصائدهم وكلنا شوق ولهفة لجديدهم
كم سعدنا عندما سمعنا بحضور هذا الحفل من شعراء يعنون لنا الكثير

بانتظار التغطية الإعلامية للحفل وتوثيقه بالصور والفيديو وتغطية متكامله وسيتم رفع بنر لها وكلنا شوق ولهفة بانتظار وصول التغطية

و نقدم إليكم الصــــــــــور من الامسيه الشعريه لـ زوآج طرآد بن علي
1.

2..........العريس طراد الرهيف

............

3.......................العريس طراد الرهيف

4رجاء الله مازن مريزيق نشاء

55الشاعر سليمان الرهيف

6سموالقاف عبدالرحمن رجاءالله

7الوايلي ممدوح مريزيق

8عريف الامسيه برجس سالم

9برجس سالم

10سموالقاف 0برجس 0الوايلي 0 سليمان

11 حضور من الامسيه

12برجس 0بدرطالع 0 سليمان 0ممدوح الرهيف

13 برجس الوايلي بدر طالع

14فخر مطير عاتق صالح

15محمد مريزيق الوايلي الشاعر مزيد الرهيف فخر مطير

16 حاكم سالم(الوايلي ممدوح مريزيق) الرهيف (فخر مطيرعبدالله مريزيق)

17العريس مع الاسمري

18اعضاء منتدى بني عزيز

19الوايلي ابن هلال سمو القاف

20بدرلفا الوايلي ابن هلال فخر مطير

21 الوايلي مع والده اطال الله في عمره