حدثت في قاعه العزيزيه

03-13-2008, 01:59 AM

بسم الله الرحمن الرحيم

السلام عليكم ورحمه الله وبركاته

هذي قصه حدثت في قاعه العزيزيه للافراح خلال موسم الزواجات

وحقيقه حبيت انقلها بلهجتها العاميه لبيان ان الناس اجناس

قاعه العزيزيه في بريده القصيم

مسوين نظام ان حوش القصر في جهه الحريم يكون للشغالات والبزران

راحت وحده من خلق الله وحطت بزرها مع الشغاله ودخلت العرس

بعد ما دخلت بنص ساعه جت وحده من الحريم وقربت من البزر وبدت تلاعبه وتقول يا حليلك تغيرت علي

وقالت للشغاله عطين الولد لان امه تبيه من داخل وبحسن نيه عطته الولد

علي اساس ان الام فعلا مرسلتها

طبعا طلعت الام حوالي الساعه 12 في الليل عشان تاخذ الولد وتخلي الشغاله تدخل تتعشي

______________________________

ما لقت لا ولد ولا تلد وسالت الشغاله وقالت لها اللي صار وبعد تلطيم الخدود والنياح والصياح

تم ابلاغ الشرطه بالحادثه وعمل محضر في ذلك وبدأت عمليات البحث

بعد ثلاث ايام من الحادثه هذي

دخلت وحده من الحريم محلات الذهب اللي في سوق الملك عبد العزيز في بريده

واختارات طقم ألماس وذهب واستاذنت راعي المحل انها تاخذ الطقمين توريها امها العجوز في السياره

لان الذهب حق عرس

قالها لا ممنوع يطلع اي ذهب الا وهو مدفوع سعره

وقالت له بس هذي عجوز ولا تقدر تنزل قالها نعطيك عربيه وجيبها

قالت طيب دقيقه

وراحت للسياره واخذت الولد اللي سارقته من قصر الافراح

ودخلت المحل وقالت دوك هذا ولدي اعز ما املك بس دقيقتن خله عندك وابوري امي الذهب وراجعه

بائع المحل قال لخويه هذا ولدها وضناها وما فيه اغلي منه

وخلوها تطلع توري امها الذهب

ساعه ..ساعتين ... طولت الحرمه ما رجعت ..!!

اتصلوا في الشرطه وبعد ما حضروا

قالوا لهم هالبزر اللي حطته عندكم مسروق من قصر افراح ولنا ثلاث ايام ندور عليه

بلغوا اهله عشان يجون يستلمونه

جاء الاب والام

ووضح له افراد الشرطه القصه وشلون ان الحرمه حبكت الموقف واستغلت الابن

رفض راعي المحل يسلمهم الابن الا بعد ما يدفعون 25 الف قيمه أطقم الذهب والالماس

قاله الابو لو تبي اربعين الف عطني الولد بس

______________________________

الي هذه الدرجه وصلت ضمائر بعض الناس ..!!

لا حول ولا قوه الا بالله

تقبلو تحياتي