▓▓▓◄◄ على الثرى وعيوننا فـ الثريا ۞ ما نعشق الهين وماننتمي لـه ►►▓▓▓

يا صباح النـور يانورالصبـاح = ياصباح المسك يامسـك وبخـور ياصباح العطر هاللي منـك فـاح = فاق عطره أفخم أنـواع العطـور مرحبا بك ياهـلا عـد الجـراح = وعد ما هيضت بالشاعـر شعـور اكتسيت من الحلا أحلـى وشـاح = زاد نوره فوق نـورك زود نور نـور واكتسب خديـك ياسيـد المـلاح = لون غارت منه ألـوان الزهـور سحر ثغرك سـر مايمكـن يبـاح = وبجبينـك نـور يابـدر البـدور وبعيونك أغرب أنـواع السـلاح = تذبح العاشق وهـي لا مـا تثـور انتبه لحجـاب وجهـك لا يـزاح = قـدك وطولـك يكفينـا سـفـور اطلق ببسمتـك للعاشـق سـراح = من قيود الكبر في أحلى الثغـور واخفض برحمتك للمغـرم جنـاح = واسمح لعزتك تقـرب أو تـزور واحتسب للأجر في هذا السمـاح = لك أجر لا شك بادخال السـرور شوفتك تعطي لصـدري انشـراح = يشهد اللي عالم بـذات الصـدور هالقصيدة حبرها دمي اللي سـاح سطرتها كف شعري في سطـور وكان شعري ما وفى قدرك ياصاح = فالعذر لك والسماح من القصـور