قصـيده في الوالد أطال الله في عمره

لعن ابوه الشعر كانه بـس فـي شقـر الذوايـب=لعن ابـوه ان كـان قاصيـه الغـزل والنرجسيـه
يايبه .. والهاجس اللي كان مخطي جـاك تايـب=إغتسل من نزعة ذنوبه .. وتـاب مـن الخطيـه
يالحقوق اللي سنا برقـه فتـق صـدر السحايـب=يالبياض .. اللى غفـر كـل الذنـوب السرمديـه
آه ليـت الضيـم رجـالِِ واشـد لـه الركـايـب=والله انّـي ل نحـره وآورده حــوض المنـيـه
قلت لى مره.. ترى النشمـي ليـا خـاواه عايـب=مثـل دهـن العـود لا خالـط رمـاد الشاذلـيّـه
ودامني .. رجلِ خرج من بين صلبـك والترايـب=والله ..ان يبطي القـدم مـا يمشـي دروبِِ رديّـه
يايبه .. ودحيم تنشـد ويـن حـلاّل النشايـب ؟=راس قومِِ جالهـا .. مـن القيـظ مقيـالِِ وفيّـه
يابعد .. راسي وروس .. احبابي وكـل القرايـب=يابعـد مـن زّهـب المجنـد ولبـس الحضرميّـه
كلمتيـنِِ فـي شفاتـي حايـره راحـت ذهايـب=ماقوت .. تعبيرهـا كـل الحـروف .. الابجديّـه
اخدعتني .. بكـرةِِ ماهـي مـن ابكـارِِ نجاايـب=ولا غفـالِِ وصفهـا عنـد النّبـيـه ولا مطـيّـه
درهمت بي .. في دجي ليلِِ نهب شوفـي نهايـب=ويوم افيق .. الاّ وانا بأحضـان قفـراً جرهديّـه
واتركتني .. ظامـيِِ والمـاى للقيـض الزهايـب=واغبنتني يـوم .. هجّـت بالقلـص والزمزميّـه
يايبه .. وان قصرت ايديني .. ودارت بي المصايب=بـارمي اعذاري علـى الغربـه وقـلّ المقدريّـه
هاجسي .. المذنب رجع دمعة طفل بعيون شايـب=وإغتسل .. من نزعة ذنوبه وتـاب مـن الخطيّـه

في نظري تبقى كل القصايد اقل من مستوى هذا الرجل