نور عيني

10-12-2009, 03:20 PM

احسب إن البعد نساها هوايــــــة
واحسب إن الصد نية نور عينـــي

واحسب انه سامعاً هرج الوشاية
طاع في حبي كلام العاذلينــــــــي

صد مدري وش سبب صده منايـه
غاب جعل الله على افراقه يعينـــي

صاحبٍ زينه مع الترفات أيــــــــة
جل من صوره رب العالمينــــــي

من جماله مزعجاً حتى المرايــــه
تشتكيه امرايته في كل حينــــــــي

لا حكى ما ودك لهرجه نهايــــــة
لا هرج نسمع لهرجه منصتينــــي

بس راح وراحت أجملها حكايـــة
قصةً تروى مابين العاشقينـــــــي

قلت أبرجي وصلها مقطع رجاية
في وصاله لو تباعدنا سنينــــــي

ويوم عود وانتهاء بقربه عنايـــه
انتهاء هماً من افراقـه يجينـــــــي

ياهنايه يوم عود ياهنايــــــــــــة
ياهنا عيني بعودة نور عينــــــي

الرهيف · 10-12-2009, 05:27 PM

والله والله والله
انك مبدع يالرهيف ولاهو غريب

قصيدة معبرة موزونة مقفاه يعيش جوها من قراها

الانزعاج والشكوى صفة حيوية لكن استخدامك لها كان موفق ومعبر تغبط عليه
اعطى النص جماليه خاصة
من جماله مزعجاً حتى المرايــــه
تشتكيه امرايته في كل حينــــــــي
وماهو البيت هذا اللي اعجبني بس ودي اعيد القصيدة كاملة
تمنيت والله انها معزة ماهو نقد لو انك

استخدمت كلمة ( قلت ) بدل (بس )
بس راح وراحت أجملها حكايـــة
قصةً تروى مابين العاشقينـــــــي
لان قلت معبرة اكثر حيث تعطي تصورك او مايدور في ذهنك والقول طريقة تعبيريه
وخصوصا انك تطرقت للروايه (تروى )

كذالك لو استخدمت لفظ ( الغياب ) بدل ( الصد) لكان افضل في نظري لان الصد مفتعل
و هذا غير مقبول عاطفيا
صد مدري وش سبب صده منايـه ( غاب مدري وش سبب غيبة منايه )
غاب جعل الله على افراقه يعينـــي ( واسال ان الله على فراقه يعيني )
لكن هذا الايعيب نص راقي بما يقتضيه التعبير

واشيد بالقصيدة وبشخصك الكريم اشاده خاصة

ومن طول الغيبات جاب الغنايم

تقبل مروري
اخوك الجامــــــــــــــــــــــــــــــح

الرهيف · 10-12-2009, 07:29 PM

الرهيف ابداع فن روعه قصيده ذوجماليه راقيه واطلق عليه لقب 2010 شكرن على تجاوبك حينما طلبنا جديدك تحياتي

اوسمتي · 10-12-2009, 08:07 PM

رائع اخي الرهيف

واصل عطاك الغير محدود

الرهيف · 10-13-2009, 12:53 AM

صد مدري ويش سبب صده منايه غاب مدري ويش سبب غيبة منايه
يعطيك العافيه قصيده رائعه

الرهيف · 10-13-2009, 10:13 AM

الجامح

نقدك اكثر من رائع واتفق معك في رائيك

كلامك ومرورك يسعدني

تحياتي

الرهيف · 10-13-2009, 10:14 AM

ابو سلطان

العفو

صح بدنك

وشكرا على المرور

تحياتي

الرهيف · 10-13-2009, 10:15 AM

المغترب

الرائع مرورك

تحياتي

الرهيف · 10-13-2009, 10:15 AM

الوتيش

الله يعافيك

تحياتي

الرهيف · 10-17-2009, 05:20 PM

صح الله لسانك يالرهيف

ويعطيك العااااافيه

ونتظر جديدك

اخوكـ / أبن مرهوف

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات