قصيدة في حفل زواج ابناء الشيخ سند بن معوض العزيزي

تشرفت بالحضور والمشاركة في حفل الشيخ سند بن معوض بن حويزم العزيزي بمناسبة زواج ابنائه راكان وتركي وذلك في محافظة مهد الذهب مساء يوم الجمعة 1435/6/25 وقد كان حفلا مميزا كتميز ابو راكان اضاء سماء مهد الذهب بالفرح وكانت احتفالية غير مسبوقه وستظل في ذاكرة جميع من حضر وكان نجمها ابوراكان وكل من شارك في هذا الحفل ...
وقد القيت هذه القصيدة في الحفل :

سلام رديه على صح واصحاح=في حفل كل المجتمع حاضرينه
في حفل ابو راكان كساب الامداح=راعي الوفاء والطيب ربي يعينه
له في الكرم والجود هيبات ووشاح=في وقتنا الحاضر وماضي سنينه
ما هو بحاسب للمكاسب والارباح=يكفيه قولة نعم من سامعينه
سوات هداجن وله عد مياح=يارد عليه اللي ضلوعه متينه
والاد وايل يابعيدين الاشباح=قولن وفعلن في اللوازم مبينه
قوم الحمية والحمية لها سلاح=من هو زبنهم ما يشوف الغبينه
مبروك يا اهل الحفل وتدوم الافراح=افراحكم يا جعل تبطي سنينه
في ظل من هو منهجه عدل واصلاح=دون الوطن حنا دروعن حصينه
يقولها من هاجسه ابن شلاح=صدق وحقيقة والحقيقة ثمينه
وختامها صلوا عدد بارقن لاح=على نبين بالهدى مقتدينه



حياك الله اخوي عبدالله الشلاحي بين ربعك

استاذنك في تنسيق القصيده

بيض الله وجهك على القصيده الجزله ولاعليكم زود ياربعنا الاد شلاح

صح لسانك حتى ترضى

أهلا بك اخوي عبدالله وحياك الله

صح الله لسانك وطاب مقامك مميز في كل مكان وزمان

وما عليك زود يا ابن العم

ولك مواقفك الطيبة وقولك للحق الذي لا ينسى

وليس بغريب عليك هذا العلم الطيب

تستأهلون العلم الطيب ياواصل .....

اذا بالامكان اعادة تنسيق القصيدة من قبل الاخوة المشرفين لانها تحتاج الى تنسيق مع الشكر .

سـلام رديــه عـلـى صــح واصـحـاح=فـي حـفـل كــل المجتـمـع حاضريـنـه
في حفل ابـو راكـان كسـاب الامـداح=راعـي الوفـاء والطيـب ربـي يعيـنـه
له في الكرم والجود هيبات ووشـاح=فـي وقتنـا الحاضـر وماضـي سنيـنـه
ما هـو بحاسـب للمكاسـب والاربـاح=يكفـيـه قـولـة نـعــم مـــن سامعـيـنـه
ســوات هـداجــن ولـــه عـــد مـيــاح=يــارد علـيـه الـلـي ضلـوعـه متـيـنـه
والاد وايــــل يـابـعـيـديـن الاشــبـــاح=قـولـن وفعـلـن فــي الـلـوازم مبيـنـه
قـوم الحمـيـة والحمـيـة لـهـا ســلاح=مـن هـو زبنهـم مـا يشـوف الغبيـنـه
مبروك يا اهل الحفل وتدوم الافـراح=افراحـكـم يــا جـعــل تـبـطـي سنـيـنـه
في ظل من هو منهجه عدل واصلاح=دون الوطـن حـنـا دروعــن حصيـنـه
يقولـهـا مــن هاجـسـه ابــن شـــلاح=صــدق وحقـيـقـة والحقـيـقـة ثمـيـنـه
وختامـهـا صـلـوا عـــدد بـارقــن لاح=عــلــى نـبـيــن بـالــهــدى مـقـتـديـنـه

الاخ عبدالله بن شلاح

تم تنسيق القصيده مرة اخرى وبصيغه مختلفه

الكل بخدمتك في هذا الصرح

تامر امر القرم

المشاركة الأصلية كتبت بواسطة الطريس

الاخ عبدالله بن شلاح
تم تنسيق القصيده مرة اخرى وبصيغه مختلفه
الكل بخدمتك في هذا الصرح
تامر امر القرم

شكرا لك اخي الطريس ولا يأمر عليك عدو ...
لكن لازال فيه مشكلة في تنسيق القصيدة التنسيق لم أشاهده ....

حياك اخوي عبدالله

اكيد انك داخل عن طريق الجوال عشان كذا مايظهر لك التنسيق