يالي تقولين الخطاء زلت لسان ,,, في زحمة الأيام ليه أختفيتي ,,,

حسي بلوعـات الليالـي والاحـزان
بعديـن حسـي بالهـوى لا بغيتـي
وش به يهمك لو يقولـون زعـلان
لو فيـك ذره مـن الغـلا ماجفيتـي
يالي تقوليـن الخطـأ زلـت لسـان
فـي زحمـة الايـام ليـه اختفيتـي
خطاي وان جه مدري الذنب وش كان
ليـه انتهـى ذاك الغـلا وانتهيتـي
وقفت في وجه الزمن قـدر الامكـان
وانتي جنح فيـك الخيـال وغفيتـي
غلطان انا في كل الاحـوال غلطـان
اسرجتلك خيـل القصيـد وسريتـي
جيتي وقلت الجرح يوم اقبلـت هـان
وانتي على الجرح القديـم ارتكيتـي
قلتي لـي الحـب ان لابـد ينصـان
واليـوم ماكنـك دقايـق هويـتـي
شافوك حساد الهوى شوف الاعيـان
يومك على رجـم القصيـد رقيتـي
ما بان لك شي ولا بقا شي ما بـان
بس انتي اللـي غافلـه مـا دريتـي
العام لك طاري بقلبـي ولـك شـان
واليوم احـس بغلطتـي لا طريتـي
وان قدر المولى وعشتـي بحرمـان
ومن حر لوعـات التجافـي بكيتـي
تذكري قلب(ن) لـه سنيـن شفقـان
شوفي بحقـه ياكثـر مـا خطيتـي
كل القصيد اللي اقولـه علـى شـان
تهزك الذكـرى عقـب مـا نسيتـي

كل الشكر لك أخي الوتيش

صح لسآآآنك

جيتي وقلت الجرح يوم اقبلـت هـان
وانتي على الجرح القديـم ارتكيتـي

الله يبعد عنا كل الجروح

كل الشكر لك أخي الوتيش

كل العفو إبن الذيب أنت لو ترد رد فاضي أعتبره يحمل كل المعاني الجميلة

صح لسآآآنك

جيتي وقلت الجرح يوم اقبلـت هـان
وانتي على الجرح القديـم ارتكيتـي

الله يبعد عنا كل الجروح
</b></i>

أميييييييييييييين يارب
وتسلمين ياأمتنان مرورك وسام على صدري

صح لسااااااانك

ابياات راائعه

دووم مميز

صح لسااااااانك

ابياات راائعه

دووم مميز

</b></i>

الأميز مرورك ويعطيك العافية

اختيار ذوق ورائع اخي الوتيش

سلمت اناملك اخي الغالي

تسلم يالمغترب على مرورك العطر