ياوجودي - ضيدان بن قضعان

يا وجودي كل ما هب نسناس الشمال=وجد من حده زمانه على الي ما يبيه
ويا وجودي كل ما اضحيت ثم مال الظلال=لاغفت عيني ولا ذقت شي مشتهيه
وجد من قفى وهو في رجا كلمه تعال=والتفت من عقب ما اقفى ولا احد لد فيه
وياعذابي لا دنا الليل من روس الجبال=وانقضى يوم من العمر ماعاد ارتجيه
وانتي ابعد من سمى الحلم ووصالك محال=يابعد من هل دمعي ضحى الفرقى عليه
ياغناتي لا تحسبين دمعي يوم سال=ضعف ولا خوف ولا كذا ولا كذيه
والله اني من رجال يضدون الرجال=لكن الحظ الردي ساق دمعي كلبيه
والله اني كل مادار حوليك الجدال=قمت كن الموت يشر على قبري بيديه
والله ان قد لي وانا اصد لا جالك مجال=صدت الي لا تضايق تذكر قبر اخيه
ومن سألني قلت مدري واذا عاد السؤال=قلت له تكفى سؤالك ترى ماهو وجيه
وش تبيني اقول عن من ترى ذبحي حلال=والخطا منها علي صرت احبه واهتويه
عذرها لو ماتعذر مثل واضرب مثال=واحد ما يعرف الحر الاشقر يشتويه
وان رجعنا للتواصيف لله الكمال=لانتهى ليل المزايين جاتك تبتديه
كنها غفل مع البدو طاويها الحيال =ما يميز وصفها الا نبيه من نبيه
واهني الي وصلها وذاق من الزلال=رشفه مع غفله الناس من فيها بفيه
وعزتي للي سواتي عشق ما لا يطال=ويوم طاله ضيع الحلم بين امه وابيه
ياول احلام الطفوله على حد الخيال=الرجا بالي حمى البيت من حمله بريه
حال دونك سيف عنتر وتاسع حول حال=باثر حول حال دونك وانا ادعي هيه هيه
هيه يالي غرك الحسن واطغاك الجمال=والله ان اموت ما شفت لاوصافك شبيه
لو يسام الحسن والتيه بجنيه وريال=ما بقى في سوق غيرك ريال ولا جنيه
كيف اهدك للمقادير وانتي راس مال=راس مال ومال والمال ما يعطى السفيه
حافظك حفظي لعيني ورمشي لك جلال=وانتي تشحين بالماء وانا شفي مويه
شايف ظلمك وساكت وطال الليل طال=لاتركتي طعن قلبي وانا ما قلت ليه
لو بقى للهيل صبر على فوح الدلال=ما بقى للقلب صبر على شي يجيه
كنت احسب ان الغلا زال واثره لا يزال=في الحشى ما كنه الا دخيل في الوجيه
ساقني حبك على الموت وسنيني هزال=والظروف اقسى من الظلم للعرض النزيه
وانتي تسوقين عقلي على حد الهبال=تحسبين ان من بغى شي يقدر يشتريه
ولا انا ياوجد حالي وجود ما يقال=وجد من ضحى بغاليه لرضى والديه
ويا وجودي ياول العمر قبل البس عقال=وجد من باع اخر العمر في رغبه ذويه
ويا وجودي كل ماهب صوتك من شمال=وجد من حده زمانه على الي ما يبيه

ياغناتي لا تحسبيـن دمعـي يـوم سـال
ضعف ولا خـوف ولا كـذا ولا كذيـه

والله اني من رجـال يضـدون الرجـال
لكن الحظ الردي سـاق دمعـي كلبيـه

والله اني كل مـادار حوليـك الجـدال
قمت كن الموت يشر على قبـري بيديـه


مشاركه رائعه يابن عمي

كيف الحال يابو يزيد
وحشتني يادلبي

يابعد دلبي

صح لسان ابن قضعان
وسلمت يمناك ابويزيد

المشاركة الأصلية كتبت بواسطة الحب حاكمني

ياغناتي لا تحسبيـن دمعـي يـوم سـال
ضعف ولا خـوف ولا كـذا ولا كذيـه

والله اني من رجـال يضـدون الرجـال
لكن الحظ الردي سـاق دمعـي كلبيـه

والله اني كل مـادار حوليـك الجـدال
قمت كن الموت يشر على قبـري بيديـه


مشاركه رائعه يابن عمي

كيف الحال يابو يزيد
وحشتني يادلبي

يابعد دلبي

والله إن يبي لك شغل وين الناس من يوم طريت العرس وأنت مير مختفي
وترى والله العظيم لك وحشة وغالي وفاقدينك بالحيل وشاكر لك ادَراجك في قصيدة
ابن قضعان،،،

المشاركة الأصلية كتبت بواسطة الليث

صح لسان ابن قضعان
وسلمت يمناك ابويزيد

والله إن ترحب يالليث ،،،

تسلم يابويزيد

نقل مميز ابومنصور شاعر غير عادي

تحياتي لك

ارحب ارحب يابناخي ،،،

بيض الله وجهك على هذه الاطلاله الحلوة