▓▓▓◄◄ على الثرى وعيوننا فـ الثريا ۞ ما نعشق الهين وماننتمي لـه ►►▓▓▓

وانت ياللي عقبك الزين بيـن البيـض شيـن
مستحيل يطوفك الشعر وانـت اصـل القصيـد



القصيـده فـي عيونـي بدونـك مـا تزيـن
لازم ان اجيـب طاريـك يـا ملـح النشـيـد



انت ياللي مـن بطيـن الفـؤاد الـى الاذيـن
والله ان حبـك مـع الوقـت ما ينقص يزيـد



في غيابك لـك محبـه ولـك شـوق وونيـن
وفي حضورك شف عيوني كلامـي مـا يفيـد



اقهـر الضيقة بذكـراك مـن حيـن لحيـن
وانثر دموعي على الوصل مـن عيـد ٍ لعيـد



لك غلا ً سبحـان ربـي ملـى الدنيـا حنيـن
ولك وفا ً سبحان ربـي مكـن فالكـون غيـد



شف مكانك فـي مكـان ٍ عـن العالـم دفيـن
في مكان ٍ مـن ورى مثـل عيـدان الجريـد



مكرم ٍ حبـك ولـه فالحشا سمـن وسميـن
يقدع من الحـال واصـب لـه بـن الوريـد



افتضحت مـن الهواجيـس بـك فالمسلميـن
كل من سولف علي قلت له وش قلت؟ ..عيـد



الهوى سجن العشاشيـق وأنا لـك سجيـن
وودي ان سجني مؤبـد ولـي حـارس وقيـد



عزتي لي مـن فراقـك عسـى ربـي يعيـن
ادري انه فـي طريقـي ولـو وصلـك مديـد



صابر ٍ غصبا ورى الخشم لو جرحـي مكيـن
ودي افعـل لكـن الله يفـعـل مــا يـريـد

يا عزاه .. من فرقى من تحب .. يـا عـزاه
إلى مـن خـذاه البعـد واقفـى ولا جابـه

ليا مات ذكره .. ( طاري الشوق ) جاء واحياه
والى طروا اسمه .. فز قلبي وحيـا بـه

أسج بغرامه وإن دعوني نطقـت ب: هـاه !
وآشـوف الخمـل فعيـون ربعـي ولا هابـه

جعله الوهـم .. لآمـوت وانـا علـى لامـاه
وأنا إن مت منه .. فآيني فـوجه مـن جابـه

يا حيه قبل يجفـى .. وحـي الوصـل حيـاه
ويا حي الطريق .. اللي حصل والتقينا بـه

أمره .. وأوقف .. وقفة اللـي تحيـر خطـاه
وتصير النسايـم كلهـا .. ريحـة ثيابـه !

أنا ما ادري ! .. غيابه يهيـض علـى ذكـراه
او انـه هـوى ذكـراه .. يطـري غيابـه

أحاول آسج انـي احبـه .. عسـاي أسـلاه
وعيت غلاتـ(ن) وسـط جوفـي تعـزوى بـه

غلاته مثـل طلبـة رفيـق ٍ " قبالـة جـاه
وعيـب " علـي آخـون عهـدي وطـلابـه

على رمل قلبي.. جرتـه يـوم جـر خطـاه
وعلـى كـل ضلـع.. لـه شخابيـط وكتابـه

الى جيت منطقته .. ومريـت صـوب حمـاه
لاجودت عقلـي شفـت روحـي علـى بابـه !!

يا ليته يجرحني جرح .. وآعرف ويـش دواه
ولا راح منـي دون مـا يشـرح اسبابـه !

أحبه .. كثر مـا هـل دمعـي علـى فرقـاه
وأحبه .. كثر ما جابني الشـوق لابوابـه

يغيب الفرح وازهـم علـى غيبتـه وانخـاه
لو ان الفرح .. من يوم مـا غـاب قفـا بـه

مهو يحز فالخاطر سوى اني علـى لامـاه !!
جروحـه خزايـن هـم .. والقلـب سردابـه

( أحسب ان قلبـي كـل مـا يبعـد بينسـاه
واثرني أحبـه .. كـل مـا زاد بغيابـه !! )

مرغوبة العاشق .. وغايـات المنـال
ودواء الجروح اللي تعسـر طبهـا !!

غيدا " بتول تحترف فـن الـدلال !!
ودك تقهوهـا .. قبـل لا تصبهـا !!

( في ابهتها طلعـة مضـاوي هـلال
احبهـا .. وآتوقهـا .. وآحبـهـا )

مخلوقة من زبد .. لو تلمسـه سـال
ونعومة حكاها .. كذا مـن ربهـا !!

وبنت الرجـال اللـي نسبهـا آل آل
قوم تنـوش المرجلـه .. وتذبهـا !!

واللي لا هب فوجهها ريـح الشمـال
قمت استشك !! ان الجنوب تهبهـا !!

الخصـر يرسـم انحـدرات التـلال
وردوفها .. من ثقلها تلعـب بهـا !!

يفوح منها المسـك والخمـر الحـلال
كنه علـى ذيـك الشفـاه يعبهـااا !!

وخدودها ورد شـذى عطـره خيـال
خلا ( فراشات الـورود ) تربهـاا !!

ولا قالت من الشوق يا عمري تعـال
شليت ذا الغتره وقمت اضـرب بهـا

فديتها اللي لا اوقفت مـن الاختيـال
تستنقص اللي يـوم تاقـف جنبهـا !!

أشوف فيها .. انها لي ( راس مـال )
وتشوف فيني .. ( فارس " مغرم بها )

مياسة القد !! وضفايرهـا طـوال !!
هي معجبه فيني وانـا معجـب بهـا

تشيخ فالخفرات وآشيـخ الرجـال !!
وتشب فينـي الشـوق وآنـا اشبهـا

احبهـا ولغيرهـا .. مابـه مجـال !
وجميع مابي من ( غلا ) فـي لبهـا

مهـوب لازم انهـا .. ملكـة جمـال
أهـم شـي : ( تحبنـي وآحبهـا )!!

لا غبت عني وانا مشتاق وش عذرك=يوم انت حالف بربك .. ما تخليني !!

نذر على رقبتي .. ونذرا مهو نذرك=انك ما حسيت في شوقي ولا فيني

مسافة الشوق .. لـ المشتاق تختصرك=وتوزعك في حشاي .. وفي شرايني

غطت ثلوجك طبوعك واختفى جمرك=ما عادك اللي ليا من غبت .. يدعيني

افكر اختبرك .. واخاف لـ اختبرك=اخاف باقي غلاك .. يطيح من عيني

تعال بين الضلوع العوج .. شف قدرك=قصر من الحب .. يبنى لك ويبنيني

ما ودي اقول في بعدك .. غريب امرك=ودي لو اسمع صدا ( يا من يراعيني )

اعتبرك الروح .. ولا شتبغي اعتبرك=ما دمت يا اغلى الخلايق مني وفيني

انا اكثر انسان .. قدرّ قلبك وطهرك=وانت اكثر انسان فاهمني ومغنيني

مأسور بالحب .. لكن افتخر بأسرك=كبلت قلبي قبل لا تكبل ايديني

فالليله المظلمه .. يكفي سنا بدرك=وفالليله البارده .. قربك يدفيني

قدلي وانا احاولك وآقف على نهرك=ارويتني مره .. وناظرك ترويني

لقاك وحكاك والجو ان خذا عطرك=ثلاثة اشياء .. تقتلني وتحييني

خذني من الناس .. وادخلني وسط صدرك=لا تخلي البعد ياتي بينك .. وبيني

تقول لي يا فديت عيونك وشعرك=وقصايدي فيك .. ذكراها مشقيني

ماني بهتم .. ( كم عمري , وكم عمرك )=عطني سنينك وانا بهدي لك .. سنيني

كم لي وانا احتاج لك واشتاق وانتظرك=واتذكر آخر لقا وايديك بايديني

يا كبر تقديرك بقلبي .. وكبر اجرك=لا جيتني بالوصال وشافتك عيني

حاولت آنام ومآ تهيّآ لي النوم
آلنوم والهوجآس مآهم ولآيف !

مآتستريح العين وآلبال مهموم
ولآيستقر الحآل والقلب خآيف,,

ياسيدة عشقي وأميرة حياتي
.............يالمترفه ، يالباذخه ، يالأنيقه
يا أحلا صباحاتي.. وكل إمسياتي
........ إبصوتـك تصيـر .. الأمـآني حقيـقه


تصبحون على ماتحبون ..

لَا تَتسَرّع فِي اخْتيَار { حَبيبٍ } ♥

لِـ/ تسدّ حَاجَتَك مِن ~ الفَرَاغ الذي يَمْلأ قَلبَك

حَتّي لَا تَعِيشَ فِي ][ وَهْم

تُفِيقُ مِنْه عَلي { جُرْح } أصْعَب منَ { الفَرَاغِ } الذِي كُنتَ تَعِيشُ فِيه .


: رائعه :