▓▓▓◄◄ على الثرى وعيوننا فـ الثريا ۞ ما نعشق الهين وماننتمي لـه ►►▓▓▓

الليث هنا

وجهن يغيب ولاحسبنا له حساب=ووجهن تعبنا من مساوي غيابه
وجرحن مع الايام واصرارنا طاب=وجرحن تجدد في خفوقي صوابه
يوم الفراق المر جاني ولاتاب=له عادتن يشتاق حضرة جنابه
فرق قلوب وعذب احباب واحباب=كم واحدن قبلي مشى في ركابه
قبلي طيورن بالسما طارت اسراب=تشكي سبايب حزنها للسحابه
وقبلي ظعونن ودعت نزل الاعراب=ورسومها تبكي غرام وصبابه
عقب الوناسه والهنا نورهم غاب=وبرد الفراق اسدل عليهم ضبابه
وانا اسير البعد في ركب الاغراب=وطبع الليالي زودتني غرابه
تضحك بناب وتلدغ القلب في ناب=ربيعها دايم سريعن ذهابه

متــــــــــــابع،،،،،،،،،،

ماكنت ابيها تصير واليوم صارت
................ هاللحظه هذي ماتمنيتها تصير

اوادعك واشوف دمعتك حارت
................ واهمس لك بحسره اشوفك على خير

لاتلومني بالله دنياي جارت
................ وظروفي اقسى من حروف المعاذير

حتى ظنوني في بعض الاصحاب بارت
................ واللي حسبته ذخر في الواقع { صغير}

احلامنا والطيش عنا توارت
................ طعم الحقيقه مر وانفاسها غير

وماللهوى بعزوم للود ثارت
................ شرهه مدام الوقت ماله تدابير

وماكنت ابيها تصير واليوم صارت
................ اودعك { واشوف وجهك على خير }

طالبك تسكت ولا تنشد يابو سفاح
............. ماودي يزعل كلامي واحدٍ غالي ..

مالقلب طيب ولا بالي بعد مرتاح
............. و الخوف أجمع غثا الأول على التالي ..

ياما وياما تركز بالضلوع رماح
............. لكن رمح الرفاقه يزيد غربالي ..

مابين هرج الشماته وضحكة المزاح
............. شعره بسيطه وان مالي على فالي ..

وحده بوحده وتصبح هالقلوب صحاح
............. لو كان طبعي أبعد ماكان ذا حالي ..

ولو اني من الي يناطح بالصياح صياح
............. ماكان تعبت ركابي في وقف حالي ..


الله وكيلك يانايف وش بقى ماطاح
............. وأقرب قريب غدا في صف عذالي ..

أذكر خسرت وخسرت ولا جنيت أرباح
............. الله يعوض جهودي والله الوالي ..

واسمع عزايا في ذيب عواه نباح
............. بيت وحطه مع تصنيف الأمثالي ..

الحر دايم تغشه ريشة الملواح
............. لكن يبقى عزيز و منزله عالي..


خلني بفضفض بشعري كني المرتاح
............. بكتبه مره بعقل وأحيان بهبالي ..

بعسف مهار القصايد وارتشفه قراح
............. وياكثر ناس هوت قافي و موالي ..


بنيت نفسي بنفسي والتحفت وشاح
............. واخترت أنا في رفيع المجد منزالي ..

والحاسد الي بقاني مامعاه سلاح
............. ياكود هرج القفيا و جوفه الخالي ..

طالبك رح له ورجه لي يابو سفاح
............. لا يحدني وألقب الأول على التالي ..

في هالزمن يحتاج للحب تصحيح
بعض الاوادم ما خذينـه دعابـه

وبعض الاوادم فالمحبه مشافيـح
والبعض منهم يحسبونـه انهابـه

وانا عشقت الزين من دون تلميح
القلب حطه في حشـاه وسرابـه

يا ناشدين القلب مـا ودي ابيـح
العشق وسط القلب محد ٍ درابـه

يا دمع خلك داخل العين لا تسيح
ما ودي العذال تكشـف غيابـه

محظوظ ياللي ما بقلبك مماليـح
ما تشتكتي هم الخفوق وعذابـه

ومسكين ياللي تبكي الليل وتصيح
ويهل دمعك مثل وبـل السحابـه

من غاب خلك دايم تقوم وتطيـح
عايش بسبة غيبته فـي كآآبـه

الحب خلـه للقلـوب المشافيـح
وللي يقول الحب لعب ودعابـه

وانا بصرّح للمخاليق تصريـح
من شخص شيب في بداية شبابه

القلب مغلق باغي شوي تصليـح
والحب في قلبي صكيـت بابـه

الليث عبر من هنا

وزاد اعجابنا

بنت الشجاع علامها بتقطع المنتدى عندك خبر عنها ؟؟؟