الصمت ماهو بنسيان

ياكثر صدقان الرخا يوم عديت
وياقلهم ياأبوي عند اللزومي
خمسين مع خمسين يومني أحصيت
مامنهم اللي شاركوني همومي
يابوي لان الفرق فرق التواقيت
في وقتنا ما للضماير لزومي
عزي لمن راحو ولا خلفوا صيت
ولا لهم ذكر ٍ بعدهم يقومي
وين الصديق اللي يشيل التناهيت
ويفك همي لا ازعج الهم نومي
عجزت ابلقى بالخلايق وناديت
ومحدن سمع لومي سوى رجع لومي

احب الـبـر عقـب وسـم الامـطـار
فيه الفقع والـخـزامـى فـاقـع زهـرهـا
واحب الـبـر الـى مـن المـزن ثـار
وعلا على روض النفل وابل مطرها
واحب البر الى مـن اقـفـا الـنـهـار
بـصحـبـة قـروم ونجوم(ن) نسامرها

المراجـل ماتجيلـك فـي مكانـك..
والنعم ينقال مـن جـودك ومـدك
والرفيق اليـا تـردى ثـم هانـك..
اتركه يشفعله انـه صلـب جـدك
والصحيب الطيب اليا أخطى وادانك..
يشفـع انـه كـان رجـالٍ يـودك
خلك انت الطيـب ووسـع بطانـك..
مشها والناس تدري ويـش عنـدك

يا ما حلا الفنجان بـأرض براحـي
ريح العويدي ذاعره عقب ما فـاح
في ظل سرحه والركايب ضواحـي
والبال من كثر الهواجيس منسـاح
الفـي مـال وصوتـوا بالفلاحـي
وشالوا على هجن عليها الحلق لاح
وتنحروا شيـخ ٍ قليـل المشاحـي
اللي على الضين المربيـن ذبـاح

فارقت من لا كان ودي أفارقه
عقب الصلاة وتوها الشمس شارقة
الفجر يوم الناس تسعى لرزقها
وانا عيوني برزق الدمع غارقة
يبكي وأنا ابكي يوم وقفت أودعه
والكل منا يذرف ادموع حارقة
سلمت وايديني بأياديه ترتجف
وأيديه بيديني من الخوف عارقه
واقفا وأنا قفيت والصمت حيلتي
عز الكلام ودمعه اليأس فارقه

البل عطايا الله غناة المقلين ==
لا ربعت في ديرة ن قبلتها
يا زينها لا جات من خايع ن زين ==
وامست شباع وجات حل اثورتها
وقاموا لها رعيانها بالمواعين ==
وتحنطمت حيرانها لابهلتها
البل لها عند الرجال العزيزين ==
قيمه وعصمان الشوارب رعتها

صديقي اللي يوم اضيق يتضايـق ** اللي يـشاركني هـمـومي وضـيقـي
يحاول اسعـادي بشتى الطرايـق ** يـشـيل كـل شي واقـفٍ في طريقـي
يبذل جهوده ماتعـيقـه عوايـق ** مهما حـصـل له في سبيلي يـطيقي
هذا الصديق اللي له الاسم لايق ** رمز الوفاء من معدن اصلي حقيقي
اما صديقي بـس لي صـرت رايـق ** ما يسـتـحـق انه يسـمـى صـديقي

المجلس اللي مايرحب ليا جيـت
ماني بملـزوم اسيـر واجيلـه
اتركه جعله عرضتـن للدناميـت
وانصا رجال (ن) يكسبون النفيله
اللي تقابلني بمرحـب وحييـت
اصحاب والاً من زحول القبيلـه

يا مكيّف الفنجال خصّص هل الجاه
راع الجمايل قبل قنٍ جموحي



صبّه لمن هو تنثر الدم يمناه
يثني جواده عند راع اللحوحي