اوادم تبغاء من يدرسها

السلام عليكم ورحمة الله وبركاته
اعضاء منتدى بني عزيز قصيده واتمنى ان تنال رضاكم واعجابكم ولكم مني جزيل الشكر

على طبخت هواجيسك يابو سفر عريب الساس = هواجيسي على فكرك تذعـذع فـي نسانسهـا
سبح فكري بحر فكرك وفكرك ماهرن غطـاس = هلا بالي بيوت الشعـر مـن فكـره يقيسهـا
تسير بدربك الوافي على عز وفـاء ونومـاس = وفداك اللي بيوت الشعر من فكـره يحوسهـا
ولا تزعل على منهو يسير بمنهـج الافـلاس = اوادم في الزمان تعيش وتبغاء مـن يدرسهـا
تراء الجاهل يابو سفر يوسوسله ميت وسواس = وعلى ماقلت في علومه على الميقاف يمرسها
بعد ناديت في منصور ابن شالح قوي البـاس = هذاك اللي قدح زنـده ونـاره مـن مقابسهـا
ابن عمي ولد شالح يهيضني على الهوجـاس = على البحر الغزير ونضرته مبعـد مرامسهـا
ولاكن خلو المنحاس يبقاء بوضعه المنحـاس = يحاوله على ورده وهو يبطـي مـا يغرسهـا
يحاول يزرع الورده ويغرسها على الاطعـاس = وهاذي رايتـه بيـن البشـر دايـم ينكسهـا

وسلامتكم
حمدان الشلاحي

هلا و الله وحياك أخوي حمدان الشلاحي

يا مرحبا بك يا غالي بين ربعك وبني عمك بني عزيز


شرفتنا بقدومك يا طيب


و صح لسانك مليووووووون ولا يسدن


وتحية طيبة لشخصك الكريم


قصيدة جزلة من رجالٍ جزل

وننتظر جديدك دوماً

مشكووووووووووور


كــُـن بـخيـر أخــي


أخوك

الـفـارس العزيزي

أبو عبدالعزيز

صح لسانك ياحمدان

والله يسلم هاليمين

تقبل مروري

أبن صـعـيـر

الله الله عليك اخوووي حمدان الشلاحي

صح الله لسانك

قصيده جزززله ولاهي غرريبه عليك الجززاله

مبدع ومافيك حيله

نحن في انتظاااار المززيد من ابداعك

وتقبل مروري

على طبخت هواجيسك يابو سفر عريب الساس=هواجيسي على فكرك تذعـذع فـي نسانسهـا
سبح فكري بحر فكرك وفكرك ماهرن غطـاس=هلا بالي بيوت الشعـر مـن فكـره يقيسهـا

أشهد بالله إنك شاعر قوي وتستاهل صح لسانك يالشلاحي يالقرم