أكــبر مـتاهــات

صحيح من قال الظماير فاجازه=يحلولها المشوار في وقت الازمات
بعض العرب يبلاك من غير عازه=وعلى نوال اللي تظرر سباقات
مايدري ان الفوز ممن مفازه=خسرٍ على دنياه غبنن إليا مات
يعجبك في زوله وزين ارتكازه=وتشره عليه ابحال في بعض الاوقات
منها عن الدين الحنيف انحيازه=والهجوله مع ناقلين الاشاعات
مايدري إن العمر مثل القزازه=والصد عن دين الله اكبر متاهات
اوصيك بالعلياء ونفس العزازه=وبعض الحوادث فالحياه اختبارات
وعليك باللي للبنادم مجازه=وابعد عن الشكات والاشتباهات
ولايعجبك بعض العرب وابتزازه=وبصوته اللي معتلي كل الاصوات
وقلبك عليها لايزيد اهتزازه=ولاتحسبن الرزق ياتي بحيلات
الرزق من ربك بليا وزازه=والنفس فقد احساسها بالملذات
والمرء في الدين الحنيف إعتزازه=عزٍ بها الدنيا ونورٍ إليا مات

لــ سليمان الرهيف

صح السان ابو انور الشاعـــر سليمان وشاعر كبير

الــــرزق مــــن ربــــك بـلــيــا وزازه والنـفـس فـقـد احساسـهـا بالـمـلـذات
والمرء فـي الديـن الحنيـف إعتـزازه عــزٍ بـهـا الدنـيـا ونـــورٍ إلـيــا مـــات

الوصي

أشكرك على مرورك

اثلجت صدري وأنارت صفحتي

صح لسان الشاعر سليمان الرهيف وصح لسانك يابن مرهوف قصيده رائعه جداً

مايـدري إن العمـر مثـل القـزازه
والصد عن دين الله اكبـر متاهـات
اوصيك بالعليـاء ونفـس العـزازه
وبعض الحوادث فالحياه اختبـارات

صح الله لسانه

والمرء في الدين الحنيـف إعتـزازه
عزٍ بها الدنيـا ونـورٍ إليـا مـات

شكراً ابن مرهوف على هذه القصيده
ولا اوصيك عطنا من قصائد الشاعر سليمان الرهيف

تحيتي
الح ـب حاكم ـني

الحب حاكمني

أشكرك على مرورك وتنويرك لصفحتي

معنى وذوق رفيع .... أشكرك يا ابن مرهوف على نقلك

عطر الياسمين


أشكرك على مرورك

والذوق مرورك

لا عدمنا هالطله

صح السان الشاعر وابيض وجه على الاختيار والنقل الرائع

نايف علي

أشكرك على مرورك

صح لسان شاعرنا الكبير والغني عن التعريف سليمان الرهيف قصيده في غاية الروعه لما تحويه من معاني ممتازه للقاري وتسلم يابن مرهوف على تزيل الابيات ونطلب منك الجديد وتقبل جل احترامي لك ولشاعرنا الكبير سليمان الرهيف