يومك تقعّد لي ياساهر ماهو عيب ؟؟؟

يومك تقعّد لي ياساهر ماهو عيب !! = ولا على شاني مواطن مسيكين ؟
ان كان تهدف تاخذ اللي ورا الجيب ! = قلي وانا اقسم معاشي على اثنين
لك نصه ولي نص فرصه وتجريب = واوعدك في حفظ العهد والقوانين
ماهو بتسرقني ومن منطلق طيب = وتقول انا خايف عليك ولك معين
الطيب ! ماهو تختل الناس بالغيب = وتسهر لجل منهم تدّخل ملايين
نورك شكت منه الضلوع المحاديب = وزوّد تلفّاتي من يسار ويمين
يابرق كنا لك نسوق التراحيب = واليوم شوفك ما ابهج النفس والعين
لاصار ساهر برقه يسبب الشيب = من لاح في جوّه غدا وابله دين
سيرتك صدفه مالها أي ترتيب = إلا اربع حروفٍ على حد ( قوسين )
إبدايتك في داخل الباص تركيب = وهالحين لك هيبه ومنصب وتمكين
يحق لك لا صرت تركب على جيب = ولاّ كما الصرّاف من بين هايوين
قدّام لا ناصلك نسعى مهاذيب = وليا وصلنا لك نجيلك مهدّين
لإن العلاقه بيننا مابها ريب = علاقة ضحية على حد سكين

زياد صح لسانك والله العظيم الساعه 5:40 المغرب ان صادني ساهر والحين اضحك من هالقصيده
عز الله اخذ مابالجيب صدق والسياره كملت نصه الثاني كل شوي عطال يالله دخيل بس


الطيب ! ماهو تختل النـاس بالغيـب
وتسهر لجل منهـم تدّخـل ملاييـن
نورك شكت منه الضلوع المحاديـب
وزوّد تلفّاتـي مـن يسـار ويميـن

صح لسانك يازياد

تحيتي لك

الح ـب حاكم ـني

رائع ياشاعرنا زياد وعز الله إنك صادق بكل كلمه قلتها

لكن الله يعميه عن الأجواد ....

صح لسانك اخي زياد

قصبده جميله ورائعه

والله يحميكم من ساهر

صح لسانك زياد

ألله يعين

يابرق كنا نسوق لك التراحيب واليوم شوفك مابهج النفس والعين

الله يعطيك العافيه أخوي زياد على هذه الأبيات التي في محلها

يارجال على حسب فهمنا المتواضع خذ هذه

بس على شرط رجعها لي وعليها زياده

صح لسانك يازياد
والله في الرياض صرنا نمشي كنا مهابيل ماغير نتلفت ندور على ساهر
جالسين نراقب علامات السرعه اكثر من ما نراقب الطريق

هههههههههههههههههههههه

رائع يازياد